Lijneya Koordînasyona Şarsitanê Amedî ya TMMOB biryarî zaf muhîm vîna û nimûne mojna û ard ziwan ke verbê talankerdişê Bahçeyê Hewselî zî do bêro girotiş. Dadgeha Îdara 1’in a Amedî, seredayişê Wezareta Şaristanî û Dormeyî ke Gelîyê Dîcleyî pergala hêgayê yeno romitişî ra bivejo, ver de seredayişê Lijneya Pawitişê Erdêy Şaristanî ame betalkerdiş û 7 hezar û 517 donim hêgayê ramîyeno nêbo cayê beton û rantî ra verbê ci ame girotiş.
Biryareke nimûne ya
Mijarî ser de Lijneya Koordînasyona Şaristanê Amedî a TMMOB, Odeya Endezyarêy Makîneya Amedî de kombîyayişek viraşt. Kombîyayişî de sekreterê ÎKKî Gurbet Orçenî da zanayiş ke biryara ke ameyo dayene zaf muhîm o û vat: “Bi taybet zî namzedeya Mîrasê Dînyayî UNESCO de biryareke zaf muhîm o. No biryar amayişî de zey dawayê winayine ra zey nimûne mojnayişî ra zî zaf baldar o. Ney ra pey do kes nêşikyo ke gelîyî talan bikero.”
Dîcle xelasya
Serekê Odeya Endezyarêy Zîraatî Jehat Şengal zî ard ziwan ke bi ney biryarî verbê ranta ke Hewselî de geyrayê do bêro birnayiş û Hewsel do qurbanbîyişî ra rizgar bibo û vat: “Bi ney biryarî Amedî boya ke weş giroto. Ney ra pey lazimo ke xebatêy bi ney hawayî hewna geş û weş bêrêy viraştiş ke xemserî wa nêbo ke Gelîyê Dîcleyî wa merdişî ra xelas bibo.” Biryarî ser de Wezîrtîya Şaristanî û Dormeyî mecbûr mendo ke erdêy ke behsa ci benêy pergala ke wazîyayê ‘Qada Rezerva Viraştişî’ ra biveja û a zî biryarî ra mutabiq bimana.
DÎHA/AMED