Bi hezaran ceniyê xoverder estê
Maya Emoş, wextê Tertelê Dersim de 15 serrî bî û şahidiya pêrokîn zilm, zorvajî û qirkerdinî kerd. Emoş Bakiray da zonayis ke, tarix ra heta nika ma alwozê xo, domanê xo, her çiyê xo vindî kerd la ma xoverdayişê xo ti wext vindî nêkerd. Bakiray vist vîrî ke, yê ke nika tekoşîn kenê tornê Zarîfe û Besêyan, alwozê Sakîneyan ê û hayr ant xoverdayişê verên yê ceniyan ser. Maya Emoş ya 92 serrî da zonayen ke, Qetlîamê Dersim de Besê û Zarîfe ra piya bi desan ceniyê xoverder estê û mîrasê înan nika hetê hezaran ceniyan rameno.
Vizêr Dersim ewro Botan
Bakiray vist vîrî seweta ke biyayişê ke ’38 de bî reyna nêqewimê ceniyanê kurd tifing girotiyo û hayr ant xoverdayişê Sakîne Cansiz yê Zindanê Amed’î ser. Şahida Tertelê Dersim da zonayen ke şarê Kurd ti wext teslîmiyet qebûl nîkeno û niya va: “1938î de nêvatî doman, cenî, camêrd herkesî day ver guleyanê tifingan. Ma sirgun kerdî. Xêlê ma seweta teslîm nêbiyayis remyay şikeft û birran. Qetlîam û dejê ke ma dî, heta ewro keşî nêdî. Maya Emoş da zonayen ke, qetlîama ke Dersim de qewimî ewro kî Botan de dewam kena.
Emoş Bakiray vist vîrî ke dewlet xoverdayişê ceniyan ra tersena û sifte ceniyan kena hedef, ceniyanê sareberz kisena. Bakiray va zey ceniyê sareberz ma dê serkewê û niya va: “Seweta ke ma cenî hetkarê haştî û rindekî yê, ma dê serkewê. Çima ma tirk, kurd, laz, ermenî, alewî, sûnnî pîya nîcuwyenê?”
Dejan vindernime
Bakiray veng da pêrokîn ceniyan û niya va: “Ma pêrokînan domanê xo vindî kerdî û dejî dî. Ma cenî pêrokîn serewedarnê, dejê ’38 û Sûr’î vindernime. Ma heta nika her çîyê xo vindî kerd, la reyna zî ma xover da û serva rayîra domananê xo danime xover. Maya Emoş va, ma taqîpkarê rayîra Besê, Zarîfe û Sakîneyan ê û veng da ceniyanê Dersim û pêrokîn ceniyanê kurd ke xover bidê.
DÎHA/DERSIM