Dewleta tirkî demêko derg o hêrişê Başûrê Kurdîstanî kena û hewl dano bigîro binê hakimîya xo. Ciwananê Başûrê Kurdîstanî vera hêrişan de 14ê Hezîrane de çalakîya tirsê ganî dayo daya destpêkerdene û çalakîye 13 rojî yo dewam kena.
Nê çalakgêran ra tayê ci seba ke herêma Brasdostî de hêrişî zêde bîyî, şîyî herêma Bradostî. Ciwanan herêma Bradostî de eşkerayî da çapemenîye û dîyar kerd ke ê do çalakîya xo tîya de bidomnî. Ciwanan da zanayene ke înan bi şîyaranê ‘Dagîrkerîye rê nê’, ‘Dest medê Kerkûkî’, ‘Wa bicuyo xoverdayîş’ û sewbîna dest bi çalakîye kerda û vatî ‘ma do tîya de çadira xo ronî’.
Ciwanan veng da şarê Başûrî û wina va: “Wa şarê ma yê Başûrî vera dagîrkeran de bivinderî û erdanê ma dagîrkeran ra bipawî. Coka ganî şar destek bido çalakîya tirsê ganî.” Çalakîye bi silogananê ‘Vera dagîrkerîye de sere wedarne’, ‘Seba azadîya erdê Başûrî sere wedarne’ qedîyaye.
ROJNEWS / BEHDİNAN