Ser Çewlîgî zaf yeno qiseykerdiş. Tayî tim û tim pesnê Çewlîg danê. Vanê, Çewlîgijî hina hina Egîd ê. Tebere şehîdanê wextê Şêx Seîd û Cîhat Elçî, Îdrîs Ekîncî înan şehîdanê PKK sey Mehmet Karasungur, Xeyrî Durmuş, Abdullah Ekîncî, Celal Barak, Emrullah Menteş, Îbrahîm Încedursun, Sewcan Algunerhan û pêronê şehîdên PKK mi ça de egîdîya Çewlîg nêdîya. Gera yew na derheqî de xo nêxapîn o. Bena Çewlîg de hetê rêxistinbîyayîş de zeyîfî bibo.La Çewîgijî giranî wayîrê kirdbîyayîşê (Kurd) xo nêvejîyenî. Desteka kî danê TC, Filîstîn û Çeçenîstan, ewqas wayîrê xo nêvejîyenî.
Seba şarê kird ker û lal ê. Seba namûse xo bêvengî. Eskerê Tirk dest erzenê keynayê înan bêveng vindenî. Dewleta Tirk dewanê înan veşnena û komkiştiş kena, reyna bêveng vindenî. La rakewnê û wirzenê vanê ha namûsê Arakan ha namûsê Arakan. Vanê ha namûsê Fîlîstîn ha namûsê Fîlîstîn. Hema hema pêronê bajarê Kurdîstanê wextê weçînayîş de rayanê xo danê HDP. La zafê Çewlîgijan rayanê xo benê, danê dişmenê xo yê bi nameyê AKP. Destek danî dewleta Tirk a dagirker.
Weçînayîşê 1’ê Mijdarê de zî hina bi.Bena tayî vajenê dewleta tir ser Çewlîg zext viraşt.Çewlîgijan qey ayê rayê dayê AKP. La dewleta tirk ser pêronê bajaranê Kurdîstanê de zext kena. Çira eyê rayanê xo nêdanê AKP û destek nêdanê TC? Hetanê bi tujî na raştîya Çewlîg nêyero vatiş, Çewlîgijî xo raşt nêkenê. Bena tayî vajenê seba dîn rayê danê AKP. Na zî raşt nîya. Ti eleqeyê AKP û dîn çino. En zaf zî AKP dişmenê dînê Îslamî ya. Ma AP û DYP zî partiyên dînî bî? Ney. Çewlîgijan rayê dabî Silêman Demîrel û Tansu Çîller jî. Eleqê nê partî û serekan dîn rê çinbî. Çewlîgijan giranî hetê T.C û zulmkaran girewtenê seba nayî rayê denê nê partî û serekan. Na raştî tarîxe Çewlîg de yena dîyayîş.
Dewleta Tirk her wext bi rîye cîya cîya zerê Çewlîg de xo rêxistinkena. Serranê 1970’an ra hetanê serranê 1980’an de dewleta tirk zerê Çewlîg de xo bi nameyê MHP rêxistin kerdenê. Ucaxî Hîkmet Tekîn(Dewa Elekrag ra bi) û Muhîddîn Olcay(Bi nameyê Rîngo ameyenê şinasnayîş. Eşîra Zikte ra bî. Dewa Dereyê Hemedan ra bi) Wexto kî PKK vejîya werti, şarê kurd wayîrê kurdbîyayîşê xo vejîya û qisasê şarê Kurd Hîkmet Tekîn û Muhîddîn Olcay înan ra girewt. Tesîre MHP, Çewlîg de nêmend.
Dewleta Tirk dima ra serranê 1990’an de bi nameyê JÎTEM û Hîzbulkontra Çewlîg de xo rêxistinkerd. Çewlîg de serkeşîya JÎTEM’î Mahmut Yildirim(Yeşîl), Mehmet Yazicioglu, Siddik Tunç, Ayhan Adarî, serkeşîya Hîzbulkontra zî Şewket Börü, Eyüp Kişi û Hecî Bayancukê Çewlîgijî kerd. Dewleta Tirk dewa Tuyerek de Hîzbulkontra rê yew qerergah viraşt û uca de çeteyên Hîzbulkontra perwerde kerdî. Zafê welatparêzanê Çewlîg sey Hecî Mustafa Akçan, Ahmet Bayram înan hetê nê qetîlkeran ra ameyê kiştiş.
Bi tekoşîna gerîlayên Kurdîstanê raştîya JÎTEM û Hîzbulkontra zî vejîya werti. Dewleta Tirk zî dî kî nêşkena bi nameyê JÎTEM û Hîzbulkontra xo rêxistinbikero, nameyêk bîn dî. Dewleta Tirk nika zî bi nameyê AKP, DAÎŞ, El Nusra û Ahrari Şam xo rêxistin kena. Bin nameyê DAÎŞ, El Nusra û Ahrari Şamî zerê Çewlîg de ciwanê Çewlîgî rêxistin kena û şirawena Rojavayê Kurdîstanê û hemberê şarê kurd dana şerkerdiş.
Heta nika zaf ciwanê Çewlîgî bîye tetîkkeşe dewleta tirk û Rojavayê Kurdîstanê hemberê şarê kurdî şer kerdo û uca de ameyê kiştiş.Serkeşîyanê nê çeteyan Xalîs Bayancukê Çewlîgij keno. Dewleta Tirk ver weçînayîşê 1’ê Mijdarê de waşt kî pê tetîkkeşanê Çewlîgijan Amed de ser HDP û şarê kurd yew komkiştiş virazo. La wexto kî HDP mîtîngê xo îptak kerdî, pêronê pilanê dewleta tirk û çeteyên DAÎŞ’ê Çewlîgijan veng vejîyayê. Wexto kî hina bi yeno vatiş kî, dewleta tirk seba planê aye deşîfre nêbo, 7 çeteyên kî seba ser şarê kurdî yew komkiştişî bikerenê amede û hadre kerdîbî, her 7 çeteyên DAÎŞ’î kiştî. Pêronê înan Çewlîgijî bibî. Yew bi yew nameyê înan hina bî. Serhat Seyithanoğlu, Ergün Gül, Sıddık Bünül, Veysel Argunağa ve Cahit Ölmez, Orhan G û Ersel P. Nê çeteyan Çewlîg de eşkero xo rêxistin kerdenê. Nika zî çeteyên DAÎŞ, Çewlîg de xo bi eşkera hetê T.C ra yenî rêxistin kerdiş. Şarê Çewlîg hetanê na raştîya xo qebûl nêkero, beno neyare xo û wayîre xo nêvejîyeno.