Almanya de her ke şino sunetkerdişê cinîyan beno vêşî. Goreyê îstatîstîkanê TDF 58 hezar cinî bî mexdûrê na kerdenî. Rêxistina cinîyan TDF herzewbîn da zanayîş ke 13 hezar cinî zî ver rîskê sunetbîyayîşî de yê.
Goreyê TDF îstatîstîkî damûsnenê, ke sunetkerdişê cinîyan û rîskê sunetbîyayîşî de oreyê serra 2016î vêşîbîyayîş esto. Raportora TDF Charlotte Weîl, zey sebebê vêşîbîyayîşê sunetkerdişî zî goçê ke teberê welatî ra benê, damûsna û îşaretê Erître û Somalî kerd. Weîl vist vîrî ke Irak ra goç se ra 61 bi vêşî û aşkere kerd ke bi nayî hûmara cinîyê ke ver rîskê sunetbîyayîşî de yê vejya di qatî û bî 118î.
Ganî bigêrîyo mufretadê perwerde
Weîl waşt ke Almanya de na babed bîro beyankerdiş û ganî bi çormeyê ke derheqê na babed de xebatî kenê ra pêdîyayîşî bîrê viraştiş ke ma biêşkê cinîyan biseveknê. TDF bi perwerdeyê ferqindarîye vengê pawitişê keyneyan kerd. Herzewbîn waşt ke sunetkerdişî cinîyan bigêrîyo mufredatê perwerde yê tibî, pedagojîk, huqûqî û sosyalî zî. Rêxistina cinîyan TDF, 1998’î ra na het her serr derheqê babeda sunetkerdişê cinîyan de rapor neşr kena.
Kes şeno ser no lînkî bireso raporî: http://www.frauenrechte.de/online/images/downloads/fgm/TDF-FGM-Statistik_2017.pdf
BERLÎN