Serekîya Dayîreyê Polîtîkaya Cenîyan semedo ke cenîyan ser o xebata hayebîyayîşî bivirazo, ekîbê dewan ê gêraye awan kerdî. Ekîba dewan a gêraye xebata xo ya ewilin dewa Erxenî Şolen de viraşt. Ekîbe dim ra zî taxê Pîranî Kaygusuz û Dede de derheqê heqanê cenîyan de agahî da cenîyan. Agahîyî hetê hetê perwedekaranê DIKASUMî ra ameyê dayîş.
Cenîyan ra ame vatiş ke, nabênê cenî û camêrdan de ferqê bîyolojîk û fîzîkî roja bîyayîşê kesan ra yeno û wexto ke merdimî dayîka xo ra benê mîyanê cematî de semedê înan her çî xora yeno eyarkerdiş. Perwerdekarê Şaredarîya ma cenîyan rê wina vatê: “Emr, sinif, dewe yan zî şeklê cuyayîşî gorê erdvîna bedelyeno. Gorê erdvînaye rol û mîsyonê cenîyan zî bedelyeno. Na mesela her ca de eynî nîya.” Perwerde ra dima semedê hayebîyayîşî cenîyan rê broşurî ameyê vilakerdiş.
Mexset averberdiş o
Perwerdekara DIKASUMe ra Sevda Kayar derheqê xebatan de agahî da û îzeh kerd ke înan taxa qezaya Erxenî Şolene de dest bi xebate kerdî û wina vat: “Ma taxa Şolene ra dima qezaya Pîran de taxê Kaygusuz û Dede de zî xebatî kerdî. Ma meselaya seycibîyayîşê cenî û camêrdan de zanayîş da cenîyan. Ma meseleyê sey; heqê cenîyan mîyanê keyeyî de û verê Dewlete de çî yê? Cenî en zêde çi meseleyan de zehmetî ancenê? Dewan de nê meseleyî senî yenê fehmkerdiş? Cenîyan dir qisey kenê. Ma nê meseleyan de perwerde danê cenîyan. Ma tenya mîyanê şaristanî de ney taxanê qezayan de zî no ximet danê cenîyan.”
Kayar îzeh kerd ke plansazîya diyîne qezaya Hêni kuyular de kenê û wina vat: “Ma meseleyê sey; perwerde de vateyê heqî, îhlalê heqan ê ke cenîyan ser de estê, Cinsîyetê Komelkî, perwerdeyîya gedeyan cenîyan dir qiey kenê. Wexto ke ma nê cayan de xebata xo tamam kerd ma qezaya Pasûr de xebatanê xo domnenê.”
AMED