Xelesnayîşê pêrokîn Tebqa rê tayn mend. Pirodayîşanê tewr peynî ê şewa verî de quwetanê QSD 3 taxanê bîn ê Tebqa çeteyanê DAIŞ ra kerdî pak. Bi nayî sera 90ê sûka Tebqa çeteyan ra ame xelesnayen.
Taxê Elbû Îsa, El Heso û El Selam ê Teqba çeteyan ra amey xelesnayen. Şervananê QSD dest nay xêlê wesayîtê zirxî û cebilxaneyê çeteyan ser. Pirodayîşan de 48 çete amey kiştiş û 5 çete zî hesîr amey girewten. 6 taxê ke verîya nika ameybî xelesnayen zî, netîceyê cigeyrayîş û karê pakkerdişî de cenazeyê 24 çeteyan, 18 kalaşnîkov, 2 çekê BKC û cebilxaneyê çeteyan amey vînaye.
Fermandarê QSD Abdulqadîr Hevdilî aşkere kerd ke sera 90ê sûka Tebqa çeteyan ra ame xelesnayen. Hevdilî da zonayen ke wextekê nezdî de ê dê mijdanîya xelesnayîşê Tebqa bidê şaranê Sûrîye.
TEBQA