Operasyonê Xelasnayîşê Tebqa ke 21ê Adare de destpa kerd, 11ê Gulane seatanê verşanî de qedîya. Quwetanê Sûrîyeya Demokratîk, sûka Tebqa û Awbendê Firatî bi temamî çeteyanê DAIŞ’î ra kerd pak. Şervananê YPG ala xo aliqnay. Şervananê QSD herêm de xebatê cigeyrayîşî û pak kerdişî day dest pêkerdiş. Çeteyan vizêr sodirî hêrîşê sûk kerdî, 26ê ci amey kiştiş.
Sûka Tebqa ke 55 kîlometre dûrê Reqa ya, roja 50. yê operasyonî de, hetê QSD çeteyanê DAIŞ ra peyser amê girewtiş. Tebqa ra dima, nika dor ê xelasnayîşê Reqa yo. Fermandara QSD Rojda Felat ciresna ke sûk û Awbendê Firatî, bi temamî çeteyanê DAIŞ ra ame pak kerden.
Operasyon 21ê Adare de bi helîkopteran berdişê şervanan dest pakerd. Bado ke şervananê QSD teyaregehê Tebqa vistî bin qontrolê xo ra tepya, verê xo day merkezê sûk. Mijdanîya xelesnayîşê Tebqa û Awbendê Firatî, 11ê Gulane de ame dayîş.
Xelesnayîşê Tebqa ra dima, çeteyanê DAIŞ vizêr sodir seat 05:00 ra tepya hêrîşê dewa Ayid Kebir ê rojawayê Tebqa û dewa Mişerfa yê mavêna Tebqa û Mesken kerdî. Şervananê QSD cewab day çeteyan û 26 çete kiştî. Herzewbîn 3 wesayîtê doçka ser de, 3 wesayîtê leşkerî û wesayîteke zirxî amey îmhakerdiş.
Dore de Reqa esto
No mabên de Hemleya 4. yê Xezeba Firatî ke 13ê Nîsane de destpa kerdbî, 15 rojan ra dima, roja Çarşeme newe ra dest pêkerd. Şervanê QSD kişta vakûrê Reqa ra aver şinê. Çarçoveyê operasyonî de şervanan tewr peynî de 4 hezarî ra vêşî welatijê sivîl lepanê çeteyanê DAIŞ ra amey reynayen. Kesê ke xelasîyay vêşîyê ci cinî û domanîyê. Hemleya peynî yê operasyonî de xelasnayîşê Reqa esto.
TEBQA