Azayanê Heyetê Îmrali Îdrîs Baluken, Sirri Sureyya Onder û Pervîn Buldan’î derheq dê tecrîtê verra Ocalan’î û sirgûnkerdişê tepişteyan de meclîsî de kombiyayiş viraştî. Siri Sureyya Onder’î hayr ant kerdenanê hikûmeta AKP ser û aşkere kerd ke, hikûmet çarçoveyê makeqanûn xirab kena.
Dirûmê Ocala’î nêzanime
Önder’î aşkere kerd ke, meseleya esasî yê Tirkiye haştî ya û vist vîrî ke, Serokwezîr nêşeno ravêrşiyayişan biwano û fehm nêkeno. Onder’î hayr ant sirgûnkerdişê tepişteyê ke Îmrali de bî ser û wina va: Vejiya teber ke, tepiştey veriya 15 rojan sirgûnê girotxaneyê Sîlîvrî biyê. Ma dirûmê Ocalan’î nêzanê.
Sirri Sureyya Onder’î vist vîrî ke, xorînkerdişê tecrîdî lej-herbî rê dawetiye vejeno û wina va: “Ma hikûmetî ra, derheqê na babedî de, desinde askerekerdis pawenê. Tecrîd yeno maneya, mavêna ameyina ma ya piyayî de, zey royê Marmara xendek kinitiş o. Girotişê no xendekî do zaf emegî biwazo. Önder’î va, tenya hewadayişê tecrîdî nê, serbest viradayişê Ocalan’î rojdemê do lezgîn o. Önder’î manîkerdişê cenazeyê kesê ke Kurdistan de amey qetilkerdiş rê nêrazîbiyen damûsna û Serokê Karê Diyanet Mehmet Gormez’î rexne kerd.
Ocalan: Tecrîdî bişikînê
Malbata Rayverê Şarê Kurd Abdullah Ocalan’î 6ê Cotmeha 2014î ra na kişt, nêşkenê şirê pêdiyayişê Ocalan’î. Herzewbîn 5ê Nîsan 2015î ra na kişt zî, pêdiyayinê heyeta KCD û HDP asteng benê.
Verra tecrîdî werzime pay
Birayê Ocalan’î Mehmet Ocalan’î derheqê tecrîdê girankerdî de qisey kerd û fina bîn nêrazîbiyayinê xo ard ziwan. Mehmet Ocalan’î ard ziwan ke dewleta Tirk vera Rayverê Şarê Kurd û Kurdistanijan heme qanûnê xo girotê binê lingan. Hiqûq nêsilasnena. Heqanê merdiman gêna binê lingan û sûcê merdimîn kena.
Mehmet Ocalan’î ard vîrî ke Rayverê Şarê Kurdî her pêdiyayinî de dirûmê şarê Riha pers kerd û wina vat: La belê şarê Riha, partî û saziyê demokratîkî vera tecrîdî goreyê wasten hereket nêkerd. Teniya tecrîdî temaşe kenê. Mehmet Ocalan’î veng da şarê Riha û Kurdistanijan û va, vera tecrîdî werzê pay û tecrîdê Îmralî bişiknê.
Pawitoxan ra eşkerakerdiş
Tepişteyî bi nameyê Çetîn Aktaş û Nasrullah Kuran Îmrali ra sirgûnê Sîlîvrî bî. Pawitoxanê tepişteyan aşkere kerd ke, ê nêşenê muwekîlanê xo bivînî. Pawitoxê Komela Serbestiyê Hiqûqzanan û Buro ya Hiqûq ê Asrin vêr Zîndanê Silîvrî de eşkerakerdiş da çapamenî.
Pawitox Ebru Gunay tecrîdê Îmrali vist vîrî bi keyfî destûr nêdanê pêdiyayinan û wina va: “Ma gereyê înan kerd. Hergo pediyayinê ma pêderzenê. Ma weşiyê tepişteyan rê fikar-qaxû kenî. Ma ra çîyê nimnenê. Him Îmrali de, him zî Sîlîvrî de semedê weşiyê tepişteyan tersê ma esto.“
Pawitox Banu Guveren zî aşkere kerd ke, „Heta ke nêheqiyê û komkiştenî biqediye û şar wayirê heqê xo bo, geyrayişê ma yê edaletî do biramo.”
DÎHA/ENQERA/RIHA/STENBOL