Pawitoxê Buroyê Hiqûq yê Seserre, 27'ê Tîrmeha 2011’î ra na het nêşkenê muwekîlê xo Rayverê Şarê Kurd Abdullah Ocalanî bivînê. Pawitoxan dûştê na bêhiqûqîye xêlê reyî serpirodayîş kerdî la cewabêke pozîtîf nêgirewtî.
Pawitoxan ra Îbrahîm Bîlmezî vist vîrî ke ê nêşkenê bi ti şiklî bi muwekîlê xo Ocalanî ra têkilîye virazê. Bîlmezî ard ziwan ke, no tecrîd him mîyanê mewzûatê Tirkîye de, prensîbanê pêroyî yê hiqûqî de, Peymana Heqê Mordeman ê Awrûpa de, him zî mîyanê mordemîye de cayê xo çin o.
Pawitox Bîlmezî vist vîrî ke tîya de rolê esasî kewno ser milê sazîyanê ke bi rengekî xoser, bê hetî hu seba heqê mordeman hereket kenê û wina va: “Mîyanê nê sazgehan de ya ewil CPT ya ke organêke Konseya Awrûpa ya. Labelê CPT goreyê wezîfe û mesûlîyetanê xo hereket nêkeno.CPT serra 1999’î ra na het pêro pîya 7 reyî zîyaretê Îmrali kerdo, la rapora pêdîyayîşê 28-29'ê Nîsana 2016’î nêweşîna. Ma zanê ke pey eşkerenêkerdişê rapor de dewleta Tirk esta. Gelo çima nêwazenê rapor bîro eşkerekerdiş? Rîwalo ke şert û mercê Îmrali ke muwekîlê ma mîyan de yeno girewtiş, dûştê hiqûqî yê.
‘Gelo pêkerdişekê nimite esto?’
Pawitox Îbrahîm Bîlmezî vist vîrî ke mîsyonê CPT nimitişê bêhiqûqî nîyo û wina dewam kerd: “Prensîbê esasî yê hiqûqî estê. CPT bi no tewrê xo hemverê nê prensîban hereket kena. CPT hewldayenê derbe ra dima di reyî ameya Tirkîye, la nêşîya zîyaretê Îmrali. No tewr zey, “O wext CPT no babedî de bi şiklekê nimite bi dewleta Tirk ra pêkerdo, ke nê kerdenanê antîdemokratîk yê dewlete qebul kena, yan zî quwetê ci têr nêkeno.”
Bîlmezî da zonayen ke derheqê rewşê muwekîlê xo û tecrîdî de zey pawitoxê Buroyê Hiqûq yê Seserre ê her aşme rapor eşrawenê CPT, la her reyî bi vatenanê ‘Na babed de têkilîyê ma bi sermîyananê dewleta tirk ra esto” cewab yeno dayen.
‘Ma nêzanê Ocalan Îmrali de yo nê’
Îbrahîm Bîlmezî ard ziwan ke no rewş înan kirêşneno mîyanê ters û fikaran mîyan û qiseyanê xo wina domna: “Bi ti şiklî ma nêşkenê xo biresnê Birêz Ocalanî. No zî ma vistneno gumanan. Ma nêzanê ka Ocalan Îmrali de yo, yan zî nê. Mektûbanê ma rê zî cewab nîno. Dewleta tirk qanûnanê xo zî îxlal kena û sazîyê mîyanneteweyî zî nayî nêdîyayîş ra yenê.
Tecrîd bi qewimyayîşanê herêmî ra cîya nîyo
Bîlmezî vist vîrî ke tecrîdo vera Ocalanî, qewimyayîşanê Rojhelatê Mîyanên û yê Tirkîye ra cîya nîyo û da zonayen ke, tecrîd qerarêko polîtîk o û va, prosesê dîyalogî de îradeyê Ocalanî yo seba çarekerdişî fina da bîn vejya werte û raya pêroyî dî ke eke derfet bîro dayîş êşkeno e bikero. Îbrahîm Bîlmezî aşkere kerd ke serdestîya AKP oxirê weçînayîşanê 7'ê Hezîran de no proses werte ra wedarna û qiseyanê xo bi nê vatenan qedêna: “Tesîrê Birêz Ocalan o ser Kurdanê Rojawa û Tirkîye, şansêko gird o.”
No mabên de heyetê HDP yê Îmrali zî nêeşkîya 5ê Nîsane 2015î ra na het şiro Îmrali.
ZEYNEP KÛRAY / ANF / STENBOL