Wasî û pawitoxê Rayverê Şarê kurd Abdullan Ocalanî Mazlum tecrîda ser Rayverê Şarê Kurd Abdullah Ocalanî ser nirxna û vat ke ‘5 mehkimê zey sekreterya ardî Girawa Îmralîyê’ şaş o, Dînç ciresna ke dewamkerdişê ravêreyeya ke ganîyeya şarê Tirkîyayê û Rojhîlatê Mîyanê pê esto, ravêreyeye bi azadîya Ocalan ra giredayeyo.
Kenî babet sîyasetî
Dînç destnîşan kerd heqê herî bîngehîn ê muwekîlê ey ke bi destûra bîngehîn û pêameyişê heqê mîrovan ê mîyanêneteweyê ra ameyo ewlekerdiş yena astengkerdiş, zey silgerîyeke sîyasetê yena bikaranayişî û wina vat: “Serra 1999 ra heta 2013’ê, heqê temaşkerdişê televîzyonê ya heme mehkimê ameyo naskerdişî la Ocalan ra nêamebî naskerdişî. Rojnameyê ke aşma bi awayekî komî yenî dayişê parçekerdişî û peynî zî sansurkerdişê yeno dayişî. Eşrawitiş û girewtişê mektuban ame astengkerdişî û heqê telefonê zî dest ame girewtişî.”
Dînç vat ke taybetê na tecrîde dema 13 serrê desthîlatdarîya AKPê de ame şidnayişî, desthîlatdarîya sîyasî bi hişmendîya ‘goreya menfaetê min bo, ez ko pêvînayiş bikera, nêbî nêkena’ têgerîya, no ser zî verpirsîyar tecrîd ra sifteyin AKP a.
400 seropirodayiş
Dînç vîr ard ke qet nêbeno ke mîyanê muwekîl û pawitox de pêvînayiş nêro astengkerdişî labelê pêroyina yewê zî pawitoxê Boruya Huqiqê ya Seserrê 27 temmuze 2011’ê û nêeşkenî bi muwekîlê xo Ocalan de pêvînayiş bikerî.
Dînç ard ziwan ke seba wedarnayişê astengîya kêfî înan hetanê nika zêdeyê 400 serpirodayişê pêvînayişê kerdî labelê heme serpirodayişê înan bi hincetê nê cidî yê zey ‘keştî xirabe yo’ yan zî ‘rewşa hewayê nêweş a’ ameyo astengkerdişî, goreya xo tecrîd ser Ocalan verba şarê kurd û Tevgera Kurd de zey şantaj şuxulnenî.
ZEYNEP KURAY/ANF/STENBOL