Tecrîdkerdişê Ocalanî tecrîdkerdişê azadî yo

Emekçî ard ziwan ke : “Pêvînayîşê peynî ke Rayverê Şarê Kurd Abdullah Ocalanî reyde ameyo kerdiş 27’ê temmuzeya 2011 de bi. Aye roj ra heta nika pawitoxan reyde ti pêvînayîş nîyameyo kerdiş. Ra ray pêvînayîşê wasî virazya aye zî seyî pêvînayîşê pawitoxan ame nîşan dayîş.”

‘Mehne her tim eynî yo’ 

Emekçî derheqê astengîyê ke vernîya pêvînâyîşan de benî manî zî vat ke: “Mehne her tim ‘ya keştî xerebe yo yan zî halê hewayî baş nîyo’ yo. No hetî de Komîteya Vergirewtişê Îşkenceyan (CPT) û Wezaretê Edaletî ra pêvînayîş amebi kerdiş la 2011’î ra heta nika averşîyîşek nêbîyo.”

Pawitox Emekçî berdewamîya qalîkerdişê xo de ard ziwan ke: “Wexto ke Erdogan serekvezîr bi, rojnamevan ci ra persa ‘pawitox semeda çi nêşkenîy pêvînayîş bikî’ persaybîy . Erdogan zî semeda nê vatbi ‘wa pawitox yew hetî de bivindîy. Astengkerdişê pevînayîşî qerarekê sîyasî yo û no rapora CPTî de zî yeno destgirewtiş. No qerara polîtîk ma nêzanîy do key biwarzîyo. Hetê huquqî de îzeheta no qerarî çino. Semeda ke pêvînayîşê bi pawitoxan rey heqê ke bingeyîn o, no qerara polîtîk sero nîno ca.”

Tecrîda hêrişkar

Emekçî ard ziwan ke tecrîd wexto ke heyeta HDPî Ocalan reyde semeda ravereya çarekerdişî pêvînayîş kerdênê zî domyaynê û wina vat: “Zîndana Îmralî sere ra heta nika zîndanekê asayî nêbî, zîndanek hetê sîyasî ra ameybî viraştiş. Qadekê çarekerdiş û çarenêkerdişî bi. Wexto ke hêzê çarekerdişê serwer bo tecrîd werte ra warzêna la wexto ke hêzê dijê çarekerdişê serwer bo zî tecrîd despê keno.”

Emekçî tewr peynî ard ziwan ke şikitişê tecrîdî ne tena karê mayo û wina peynî kerd: ”Babetek lazim o ke bala heme demokrat, sosyalîst û kesêy ke çarekerdişî wazenî bianco. Ma do hetê xo ra tekoşîna huquqî bimeşnî. Labelê lazim o kem a vîr nekî ke yew manayek xorîn ya nê tecrîdî esto. Tecrîdkerdişê Ocalanî yeno manaya tecrîdkerdişê azadî û demokrasîyê. No heq heqêko bingeyîn o. Ma do dijî no neheqî tekoşîna xo girde bikerî.”