Şewa 17ê nîsane de taxa Adanaliogluyê qezaya Akdenîzî yê Mêrsînî de mabênê koçberê Sûrîye û taxijan de şerêko bi çekan virazîyabî. Badê hedîse sûrîyeyijî taxe ra ameybî tehlîyekerdiş û heqdestê 2 hezar karkerê zîretî nêdîya înan. Tehlîye ra dima qezaya Mezîtlî ya Mêrsînî de salonêko werzîşî de ca dîya koçberan. Goreyê koçberan seba ke heqdestê înan nêdîyo înan, provokasyonêko zanaye ameyo viraştiş û netîceyê provokasyonî de tehlîye bîyî. Babete ser o Serekê Heyetê Îdarekaran û yê Komeleya Piştîdayîşê Erebê Mêrsînî (MAYA) Volkan Gultekînî qisey kerd.
Gultekînî qiseykerdişê xo de wina va: “Koçberî bi erzanî yenê xebetnayîş. Verê cû rewşê winasî bîyî, la ma çareser kerd. Senî beno ke şerê kesêk beno şerê heme taxijan. Hedîse ver şarê ereb, elewî û Sûrîye tetikan ser de yî. Tehlîyekerdiş probleman çareser nêkeno.
MÊRSÎN