Vizêr serrgêra 20. ya şehadetê raybera çapemenîya azade Gûrbetellî Ersoze bî. Babete ser o Koordînasyonê Yewîya Komunîkasyono Demokratîk (YRD) îzehetêkî da.
YRDyî Ersoze yad kerd û wina va: “Embaza ma ya rojnamegere Gûrbetellî Ersoze mora xo daye tarîx ro. Bi vindetişê xo bîye ziwanê şarê xo. Ersoze bi bawerî û fikrê xo vernîya polîtîkayê asîmîlasyon û çinîkerdişî de vindete.”
YRDyî vist vîrî ke “Cinîya ke reya yewine mudurîya pêroyî ya weşanî ya Ozgur Gundemî kerde’ û wina domnaye: “Ersoze bi cesaret û rolê xo yo rayberî her tim rayberî kerde. Gûrbetellî Ersoze de ruhê şorişgerî û mîlîtanîya raşte ya PKKyî nimite bî. Ersoze hertim goreyê lazimîya aye vîste hereket kerdêne û bîye ziwanê şoriş û şerê estene yê kurdan. Wexto ke lazim bî, sey cinîyêka şorişgere gerîlatî û şer kerde. Gûrbetellîye cuya xo de qet raştîye ra tavîz nêdaye û ser şopa heqîqetî de meşîyaye û heta ewro ameye.”
Do heqîqet serbikewo
YRDyî va “Ewro têkoşîn û rojnamegerîya Gûrbetellîye vera zîhnîyetê AKP û DAIŞî de dewam kenî” û wina qedêna: “Têkoşînê cinîya şorişgere Denîz Firate donemê modernîteya harbîyaye de bi veng û dîmenê xo zerrîya merdimîye roşn kerde. Raştîya Gûrbetellîye ra Nûjîyane maya xo ra bîye û qederê mergî bedilnaye. Kulturo ke Gûrbetellîyan awan kerd, xoverdayîşê Sûr, Cizîr, Şirnex û Nisêbînî de fotograf û dîmenê amatorî yê ciwanan de zî ame dîyayîş. Têkoşînê Gûrbetellîyan dewam keno.”
ANF/BRUKSEL