Nuştoxo fîlîstînij Nasîr Şebat aşkera kerd ke Îmrali de vejyayişê adirî nîşan dano ke Dewleta Tirk Ocalan bieşka zirar bida Ocalanî, no ser zî ganî heme dormerayê demokratîke seba azadîya Ocalanî ganî têkoşîn bidê.
Rayberê Şarê Kurd Abdullah Ocalan peynîya komploya Mîyanêneteweyî Dewleta Tirk ra ame teslîmkerdiş, serra 1999î ra nika zî Girawa Îmraliyî yeno girewtiş û Abdullah Ocalan ser tecrîtêko bi girankerde domyeno. Roja 27ê sibate ame musayiş ke Girawa Îmraliyî de adir vejyayo, peynîya musayişê xebere sifte Rojawan pêroyina Dinya de şaran çalakîyan organîze kerdê. Îmrali de vejyayişê adir û Ocalan ser tecrîdî ser o Nuştoxo fîlîstînij Nasîr Şebat qise kerd û aşkera kerd ke Ocalan seba şarê xo bi esasê edeletî wayîrê projeyêk o, seba sîstemêko bi demokratîk rê têkoşîn dano. Şebat dest nîşan kerd ke Ocalan şarê Kurd ra rûhêko bi şorişker terpin kerdo, nika Rojhelatê Mîyanên de şarê Kurd temsîlkarê dormeraya çepî yo.
Do bibo semedê têkoşînê şorişî
Şebat pare kerd ke Dewleta Tirk polîtîkayê tecrîdî de çi heyfo ke israr kena û wina vat: “Azadîya Ocalanî çimê Dewleta Tirk tersneno, çimkî dewlet zanena ke eke Ocalan hepixane ra bivejo do dormeraya çepî bi qewet bibo, na rewşe ra tena Tirkîya nê Emerîqa û Îsraîl zî tersena. Eke Ocalan azad bibo do Rojhelatê Mîyanên de herekatê şorişî zî bi qewet bibê. No ser Dewleta Tirk do Ocalanî ra zirardayişî zî bifikra.”
Şebat destnîşan kerd ke ganî seba azadîya Ocalanî hîna bi aktîf xebat bêrî kerdiş û wina qedîna: “Ocalan semedê sîyasî ser o yeno girewtiş, ganî Tirkîya heme dormerayê demokratîke seba azadîya Ocalanî têkoşîn bidê, encax Ocalan ser tecrîd bi no têkoşînî bişikyo. Na babete berpirsîyarîya STKan zî esta.”
ANHA/QAMİŞLO
Bi Ocalanî pêvînayîş ame kerdene
Buroyê Huqûqî yê Asrinî hesabê xo yê twîtterî ra da eşnawitene ke Rayberê Şarê Kurdî Abdullah Ocalanî û tepişteyanê bînanê ke Îmrali de yenê tepiştene malbatanê xo reyde pêvînayîş kerd.
Eşkerayîye de wina ame vatene: “Muwekîlê ma birêz Abdullah Ocalan, birêz Omer Hayrî Konar û birêz Veysî Aktaş ê ke Girawa Îmraliyî de yenê tepiştene ewro çarçewa pêvînayîşê zîyeretê keyeyî de medimanê xo de pêvînayîş kerd.”