Gorgenlî vat ke nika Kurdistan de konseptê şerî ya AKPe reyde welatijî yenî înfazkerdiş û HDP zî zey partîya îlegal yena nişandayiş, dijî na babete çiqas têkoşîn zî bêro dayîş zî AKP bi aşkera vana ke destê şima ra çik nîno.
Bedildayîş çin o
Gorgenlî ciresna ke nika Tirkîyaye de tade û zilmê îqtîdarî esto, belkî a seba ke Îzmîr de bîya û no ser zî weş na ravêreyeye ra fam nêkerda û wina vat: “Serrê 90’î de dewleta tirk seba çinkerdişê Tevgera Kurd û şarê kurd rê dest pê şeroke lêmin kerdbî. Nika zî aktor bedilyayî labelê armanc zeypê yo. No demî lejkerê îqtîdarî aktîf bibî, nika zî polîsê AKPe bi aktîf înfazkerdişan de ca gênî. Labelê êdî ewnîyayişê şaranê Tirkîyaye dijî nê polîtîkayan bedilyayo.”
Ma zey verên nîyê
Gorgenlî bal ant ser xoverdayişê şaranê Tirkîyaye û wina dewam kerd: “Bi no bedilyayîşê daxî bibo êdî îqtîdarê AKPe do serkewt nêbo. Êdî bi teknolojîyî heme dorûverê Tirkîyaye de çi biqewimyo, bi rehetî yeno resayiş. Cenazeyê lejkeran de malbatê şehîdan bertekê xo mojnenî, çimkî zanenî ke AKPijî tena menfaatê xo ser lej kenî la serrê 90’î de nê tade û zilmê dewlete bi rehetî nêameynê dîyîş, çimkî îqtîdar teknolojîyî kontrol kerdî. Êdî bi rehetî yeno zanayîş ke ravêreyeya aştî seba çi peynî bîyo, êdî şaranê Tirkîyaye de zey verên tênêgerîyenî û hetê aştî, edelet û azadîye ca gênî.”
Xeyalkerdiş şert o
Gorgenlî weçînayişê 7’ê hezîranî ard vîr û vat ke 6 mîlyon merdimî dijî polîtîkayê AKPe bertekê xo nîşan daybî labelê verba na îradeya şarî zî hukimatê AKPe û serekkomar Erdogan vatî ke ê îradeya şarî nêşinasnenî, bi no rayîrî zî AKP û Erdogan waştî ke zey ke Tirkîyaye de rayîrê demokratîkî peynî bîyê nişan bidî û bi no rayîrî zî omidê şarî bişiknî la dijî no polîtîkayê şerto ke şaranê Tirkîyaye zî hîna zêdeyêr aştî xeyal bikerî û biwazî.
Gorgenlî tewr peynî wina vat: “Ganîyo ke ma zî dijî nê polîtîkayê AKPe têkoşîn bidî, çimkî şaran ra rayîrê omidê aştî û biratîyî nişan bidî. Çimkî tena problem problemê kurd nîyo. Tirkîyaye de heme şaranê bindest, zayend, sinif û dînan ra zilm yeno kerdiş. No ser zî ma bi kolektîfî de dijî no zîhnîyetê têkoşîn bidî.”
Ceren KARLIDAG/JINHA / ÎZMÎR