Vera virazîyayîşê Barajê Ilisû de reaksîyonêk ekolojîst Ertugrul Barka ra ame. Barkayî da zanayene ke seba ke sermaye bişînbo xo bido cuyayene, mecbûr o ke bibo gird. Barkayî dîyar kerd ke hukmat zî tebîet keno meta û maden, awe, daristanî, koyî û sewbîna heme cayan rijneno.
Barkayî va ‘Heskîf hetê tarîxê merdimîye de cayêko kulturî yo û wina domna: “Çar hetanê dinya ra vatişê ‘Wa Heskîf nêro rijnayene’ berz beno, labelê rojawanê Tirkîya de qet reaksîyon çin o. Nê barajan de hem amancê leşkerî estî, hem zî asîmîlasyono kulturî esto. Estena kulturî hişê şarî ya, eke şima aye çin bikerî. O wext şar zî hişê xo vînî keno. Bênasname beno. Coka Heskîf zaf muhîm o. Eke baraj virazîyo o wext merdimîye estena xo ya tarîxkî ra mehrûm manena.”
Barkayî dewamê qiseykerdişê xo de va ‘emrê barajan kilm o’ û wina dewam kerd: “Ganî ma bi hawayo cîddî wayîrê Heskîfî bivejyî. Heskîf seba merdimîye cayêko zaf muhîm o. Bi vatişê ‘ewja de Kurdî cuyenî û cayê kulturê Kurdan o’ çinî kenî. Rojawanê Tirkîya ra qet reaksîyon nîno. Demê nizdî de zî wexto ke Bexda ame dagîrkerdene, ewil muzeyê ci ameyî talankerdene. Bi no hawa hewl dîya hişê şarî çinî bibo. Ganî merdim Heskîf zî wina bigîro dest. Eke Heskîf binê awe de bimano, merdimîye zî binê awe de manena û merdimîye xeniqîyena.”
MA / ÎZMÎR