Zêdebîyayîşê bikarardişê plastîkî ver, êdî çîyê ke bi keda destan yenî viraştene kêmî benî. Seke yeno zanayene verê cû viraştişê sepetan (sel) zaf bîyêne, labelê demanê peyênan de o zî êdî ameyo dûştê qedîyayîşî.
Bajarê Hatayî de sepetviraştox Resul Çetîn ke 22 serrî yo nê karî keno, qedîyayîşê nê karî ver gerrekar o. Çetîn vano ‘ez bi kerdişê karê pîyê xo, xo reyde îftîxar kena’ û wina dewam keno: “Pîyê mi hîna ez şenik bîya, mi banderê nê karî kerd. Ez do nê meslegî bidomna.”
Çetîno ke cinîya xo reyde pîya nê karî keno, dano zanayene ke o qamîşanê xo payîzî arê dano û seba ke ziwa nêbî, yan cayê seya de yan zî binê varanî de verdano û wina domneno: “Ma tena sepetan nê, cayê nan, meywe û sewbîna çîyan zî virazenî. Tena xeyalê mi dikanakerdiş o. Hatay de tena ma nê karî kenî. Beno ke ma ra dime ti kes nê karê nêkero. Eke ez bişînba cayêk akera, ez eşkena tayê kesan biresna.”
ANF / HATAY