Şerwanê Hêzê Azadî yê Yewbîyaye (BOG) Dogan Kirefe (Muzaffer Kandemîr) 7ê Çileyê 2017 de Hemleya Xezebê Firatî de resaybî şehadet.Yusufbaş Akayî (Cîhan Efe) derheqê Kandemîrî de qisey kerd.
Akayî va ‘ma verê ra embazê yewbînan bî, hetta embaztî ra vîşêr, ma sey birayê yewbînan bîy’ û wina domna: “Ma heme çî pîya kerdênê; pîya huyayênê, pîya bermayênê û pîya şer kerdênê. Dogan Stenbol de cuyayêne. Tewr peynî wexto ke mi ey ra va ‘ez şona Rojawan’, o mi tena nêverda û ma pîya ameyî Rojawan.”
Qerardar û zelal bî
Akayî dewamê qiseykerdişê xo de bale ant zelalîya Kandemîrî ser û wina va: “Wexto ke ma hîna nêameybî Rojawan, Vakurê Kurdistanî de Doganî sîmîtêk dabî domanêk, labelê doman tersabî û remaybî. O wext Doganî vatbî ‘werekna ez verê cû biameyêne tîya’ û tena no het de poşmanî cuyayêne. Dogan tewr zaf mi reyde şer kerdêne. Ge-ge mi ra cigirîyayêne û tewr zaf 2 saet ma cigîrîyaye mendênê. Mi zaf ey ra bawer kerdêne. Zaf merdimo ke bidîsîplîn bî.”
Wa çimê to pey de nêmanî
Akayî va ‘merdim wexto ke qala Doganî keno, xitimîyeno’ û wina qedêna: “Tewr peynî o amebî herinda mi. Çeteyan hêrişê ma kerdbî û mi nêwaştêne ke ez cayê xo verada û şêra. Labelê Doganî mi ra va ‘wa çimê to pey de nêmanî; ti şonî û ez yena. Senî ke to şer kerd, nika dora min a’. Zaf hêrişê giranî vera înan de bîyî. Dogan bi guleyo ke zerrîya ey ginaybî şehîd kewto. Embazan vatî; sey qehremanan şer kerdo û qet nêvindeto. Qet nêkewto şikî mîyan û bi huyayîş şîyo ver bi mergî.”
ANF/KOBANÊ