Endam û îdarekarê Partîya Demokratîke ya Şaran (HDP) û xeylê keyeyî bi wesîleya Roşanê Remezanî goristananê şehîdan zîyaret kerdî. Keyeyan sere de Amed, Edene, Şirnex, Mêrdîn û xeylê cayanê bînan de goristanan zîyaret kerdî.
Kesê ke Amed de Goristanê Sîsê zîyaret kerdî mîyan de parlamentere Remzîye Tosûne zî estbî. Tosûne va ‘ma zimistanî zî amebî zîyaretê goristanî’ û wina domnaye: “O wext zî mezelî amebî texrîbkerdene û nika zî texrîb kerdo. Tehemulê dewlete vera goristanan de zî nêmendo. Eke Hz. Muhammed bibîyêne, ey zî vera na rewşe de sere biwedarnayêne.”
Amed de Goristanê Pîrejmanî zî ame zîyaretkerdene û qurnefîlî ronîyayî mezelan ser. Reyna xeylê parlamenter, sîyasetmedar û keyeyan Goristanê Yenîkoyî zî zîyaret kerd. Qurnefîlî ronîyayî mezelan ser o û mesajê muhîmî dîyayî.
AMED