Girtiyên siyasî yên bi navê; Hamed Ehmadî, Kamal Molaî, Jamshidand Dehqani, Cîhangîr Dehqanî, di 14’ê hezîranê de çalakiya rojiya mirinê dan destpêkirin û çalakî di roja 18’emîn de ye. Xwestin girtiyên siyasî, ji girtîgeha Gohardeştê sirgûnî girtîgeheke din bikin û piştî ku hewldanên girtiyan encam neda, 4 girtiyan bi dest grevê kirin. Li gorî nûçeya ÎRNA’yê girtiyên siyasî bi hincetên li dijî rejîmê derketine, li hember xwedê derketine rastî cezayê îdamê hatine, girtî piştî ku ketin grevê zeyîf dibin, pirsgirêkên gurçik re rû bi rû ne û xwîn ji medê girtiyê bi navê Hamed Ehmedî çûye. 




Bi darvekirinê re rû bi rû ne
Rêxistina Mafê Mirovan a Rojhilatê Kurdistanê, di 25’ê Nîsanê de der barê siyasetmedarên kurd ku cezayê îdamê li wan hatiye birîn daxuyanî dabû û hatibû gotin ku cezayê îdamê ji 59 girtiyên siyasî re hatiye birîn. Girtiyê bi navê Simko Xurşîdî ku di girtîgeha Dizilabad ya Kirmanşanê de dimîne, bi îdiaya li hember Xwedê derketiye û bûye endamê partiyeke kurd, cezayê îdamê lê hatibû birîn û di 17’ê Nîsana 2014’an de hatibû îdamkirin. Piştî ku Hasan Ruhanî bû serokomar 3 siyasetmedarên din jî hatibûn îdamkirin. 

Bi Ruhanî re îdam zêde bûn
Beriya ku Ruhanî bibe serokomar soza ku dê îdaman rawestîne dabû. Lê piştî ku Ruhanî di 15’ê Hezîrana 2013’an de bû serokomar îdam zêde bûn, ji serê salê heta niha li Îranê 176 kes hatin îdamkirin. Sala par di nav welatên cîhanê de herî zêde li Îranê îdam çêbûn û sala par 16 siyasetmedarên kurd hatin îdamkirin û ji 20 girtiyên siyasî yên kurd re cezayê îdamê hatibû êrêkirin. Her wiha cezayê îdamê ji 39 aktîvîstên olî yên kurd re jî hatibû birîn.


NAVENDA NÛÇEYAN