Vengdayişê Platformê Ciwyayiş ê Mereşî ser, hunermendî û welatiî amey pêhet û cemê muhabetî viraşt. Sûka Almanya Frankfûrt de kî panel virazîya.Hikumeta AKP rixmê heme nêrazîbîyayen û kampanyayan Teranê Cêrîn ê Mereşî de, bin nameyê koçberanê Surîye de, serva çeteyanê Surîye qampî virazena. Welatijê alewî yê mintiqa zî, vera nê kerdenanê AKP 90 rojîyo xo ver danê. Seweta na nûmayiş zî, her ke şino poştdayenî beno vêşî.
Çeteyan rê qampî
Ser Vengdayişê Platformê Ciwyayiş ê Mereşî, hunermendan cemê muhabetî viraştî. Hunermendan û temsîlkaranê sazîyanê alewîyan ra pîya, bi seyan kesî zî hedreybî. Badê Cemê Muhabetî, welatijî deyranê hunermendan ra pîya, werîştî semah.
Frankfûrt de panel
Azayê Rayverînê Merkezî yê HDP û mesûla koçberan Gulsum Agaoglu wija de qisey kerd û fina bîn eleqe ant kayê leymin (qilêrîn) yê AKP ser. Agaoglu vist vîrî ke AKP bi sebebê sîyasî û vurnayişê demografîyeya mintiqa, bin nameyê koçberan de, qampan virazena.
Heto bîn ra, sûka Almanya Franfurt de zî, panelê bi sernameyê ‘Pakkerdişê etnîkî û jenosîdî’ viraziya.
Hunermend û rojnamevanê ke tewrê panelî bî, hikumeta AKP îqaz kerdî û wastî ke peyniyê kerdenanê nîyayîn biyaro. Hunermendan vistî vîr ke dewlet Mereş de polîtîkayanê ‘tirkperestî û misilmantî ferz kena. Panel de vengê wayîrvejyayişê xoverdayişê Teroyan ame dayen.
DÎHA/GURGUM