Qayûmo ke tayînê Şaredarîya Bajarê Girdî ya Amedî bîyo, aşme de tewr tay 2 reyî dikananê esnafan û cêrzemînê awanîyan ke nizdîyê şaredarîye yî de sehnayîşan dano viraştene û tunel gêreno. Nê sehnayîşan ver esnafî eciz î û dîyar kenî ke muşterîyê înan zî eciz benî û nînî dikananê înan, labelê terse tunelî qayûmî girewto.
Esnafo ke nêwaşt nameyê xo bido, wina va: “Aşme de çend reyî yenî nê sehnayîşan virazenî. Wexto ke dikan de muşterî bibo, eciz beno. Hetta muşterîyêk va ‘ez nêwazena reyna bêra tîya’. Ti bingeyê huqûqî yê nê sehnayîşan çin o. Ê bi hawayo kêfî yenî mîyanê dikan de sehnayîşan virazenî.”
Esnafêko bîn zî va ‘nê sehnayîşî zirar danî ma’ û wina domna: “Sere de xo rê û muşterîyan rê berpirsîyarîyê ma estî. Aşme de 1-2 reyî nê, hertim kenî û no zî ma eciz keno. Zirar danî nanê ma. Xora krîzê ekonomîke esto, no zî ser o beno zêde. Ma zaf zirar kenî.”
ANF / AMED