Sûka Kantona Cizîr Til Temîr de sewa roja pancşem, 3 serestisî bi bombeyî viraziyay. Teqînayisan ra dima qûwetanê YPG/YPJ û azayanê asayişê desinde tivariye jede kerdî û dirvetinan berdê nêwesxane. Sîvîle ke teqînisan de bî dirvetin nêwesxaneyê sûka Qamişlo, Hesekê û Serêkaniye de yenê derman kerdene.
Hetê bîn ra binê rijiyayişê banan ra cenazê jû cenike û jû doman kî ame vetene. Niya morrê merdê bî 25 û nejdiyê 122 kes kî bî dirvetin.
Ma merdiş ra nêtersenê
Hemseroka Kantona Cizîr Hediye Yûsif, bi jew heteyê Rayverîna Kantona Demokratîk ra cayê êriş ziyaret kerd.
Yûsif hayr ant serkewtişê ronayinê Meclîsê Sûriye ya Demokratîk ser û va: Dişmenê şaranê ma, piyacuyayişê şaranê Kurd, Ereb, Suryanî, Asûrî hezim nêkenê.
Yûsif vist vîrî ke çete û qûwetê pey ci, wazenê bi kiştiş û êrişan şaranhe ma teslîm bigîrê û goçkerê û wina va: Ma merdiş ra nêtersenê.
Hediye Yûsif aşkere kerd ke, êriş kamcî hetî ra yeno wa bîro, ê dê xover bidê. Ma dê jûbiyena xo qûwettir bikerê. Kes nêşkeno verniya serkewtişê ma bigîro.
ANF/TIL TEMIR