Qezaya Heskîfî ya Êlihî de seba ke Berajê Ilisu yeno viraştiş, cayê tarîxî heme binê awe de manenî. Nê semedî ra nê cayanê tarîxîyan ra tayê do binê awe de bimanî û tayê zî yenî kiriştiş. Nê cayan ra yewe zî Tirba Zeynel Begî ke 650 serreyî ya.
Viraştişê berajî ver tirbe kirişîyena 2 km dûrê cayê xo yo kehenî. Kiriştişê tirbe vizêr saetanê serê sibayî de dest pêkerd. Yeno zanayîş ke verê cû kiriştişê tirbe amebî cerebnayîş, labelê nêvirazîyabî. Reyna cayê sey Camîyê Suleyman Xanî, Camîyê El Rizkî, Camîyê Koçî, Camîyê Keynekan û Hemamê Artuklu zî do bêrî kiriştiş. Tevgerê Dayîşê Cuyayîşî yê Heskîfî derheqê babete de va ‘hukmat û şîrketê ke nê karî kenî, suc û bêrêzîyêka gird kerdî û ma do qebul nêkerî.’
ÊLIH