Çarçiweya no projeyê dewleta tirk çeteyan anena Tirkîya, Tirkîya de nê çeteyan perwerde dana û peynî zî înan ra çek dana. No projeyê Tirkîyayê ra Hetkardoxê Wezaretê Pawiyayişê yê Kantona Efrînê Xelîl Qasim bertek mojna û vat ke Tirkîya çeteyan bena perwerde kena û peynî zî wazena nê çeteyan hêrişê Efrînê bikerî û esil armancê înan Efrîn o.
Qasim dîyar kerd ke nika hêrişê çeteyan vindertî, nê Helep bê Efrîn bena, nê zî Efrîn bê Helep bena û wina vat: “Efrîn de pêroyinê welatijê Halep ra koç kerdî, welatijan dema hêrişan de taybetê problemê resayişê ancenî. Çeteyê DAIŞî bi hetkarîya Tirkîya de wezenê şarê ereb û YPGijan dijverê yewbînan bîyarê. Seba no projeyê zaf xebityayê, rayedarîya no projeyê zî Tirkîya kena. Zaf hûmarîy de çeteyê Tirkîya de perwerde gênî û yenî Efrîn û Efrîn de projeyê xo lêmin dar visnenî. Demo kilm de ereban xapînay û Şêx Maqsud ra dayê hêrişkerdişî. Çeteyî 4 serrîke dijê dîktatorîyê Sûrîyeyê nînê têlewe labelê mîyanê 3 saetê de verba YPGê de amey têlewe.”
Rola Şêx Maqsud
Qasim ciresna ke ê çeteyan reyde pêvînayiş viraştî la belê çeteyê projeyê înan ê çareserîyê red kerdî, çeteyê tena rayîrê şerê xo ra armanc girewtî û Qasim hêrişê Şêx Maqudî ard vîrê û wina dewam kerd: “Ma dijî heme îxtîmalê hêrişê hadreyeyê xo kenî. Ma pawiyayişê xo kerd, çeteyan ra çar kesî merdî, ma ra zî yew embazê ma şehîd kewt. Ma noca ra hewna dîyar kenî ke Şêx Maqsud xêza sûr a ê ma ya, çimkî ma seba Şêx Maqsûdî zaf bedel dayî. Nê OSO nê rejîm nê zî sewbî yew hêz nêeşkenî ma, Şêx Maqsud ra bivejnî. Ma yew kes daxî bimanî, do ma têkoşîna xo bidomnê. Ma bi ziwanê sîyasî de înan ra day famkerdişî labelê çeteyê fam nêkerdî. Ma zî bi rayîrê lejkerî de înan ra day famkerdişî.”
Tirkîya neyarê kena
Qasim aşkera kerd ke hêzeke gird Efrîn ser Tirkîyayê ra ameyo vîyarnayişê, no hêzî ra zî Tirkîya perwerde û çek dana, çimkî Tirkîya wazena nê çeteyê verba YPJ de şer bikerî û ê no agahî zî raşt kerdî, Rojawan de îradeyeke bi saxlam esto û şarê Rojawanî hêzê YPG/YPJ zey îradeyê xo vînenî, ê çeteyan zaf bi weş şinasnenê, nê çeteyan ra perwerde yena dayiş ke verba YPG/YPJ de şer bikerî, bi aşkera verba înan de nê çeteyan yenî perwerdekerdişî, qey no şaşî kenî? Ê fam nêkerdî.
Qasim îzeh kerd ke çimkî çeteyê zî zanenî ke tena hêzê kurd, eşkenî ameyoxê Sûrîyeyê înşa bikerî, no ser zî nêwazenî û no ser hêriş kenî, wazenê şerî noca ra îdare bikerî, Rojawan çiqas kurd esto se eynî hûmarî de ereb û sewbî şarî zî estî, ê seba şaran feraseta şorişî reyde pawiyenî û ê qet destûr nêdayî ke şarê kurd û sewbî şaran verba yewbînan bêrî.
Esil armancê înan Efrîn a
Tewr peynî Qasim vat ke dewleta tirk seba hetkarîdayişê çeteyan destpê projeyê perwerdekerdiş-çekdayişê kerda, çarçiweya no projeyê zî dewleta tirk çeteyan anena Tirkîya, Tirkîya de nê çeteyan perwerde dana û peynî zî înan ra çek dana. Qasim bertekê no projeyê Tirkîyayê ra Qasim bertek mojna û ard ziwan ke Tirkîya çeteyan bena perwerde kena û peynî zî wazena nê çeteyan hêrişê Efrînê bikerî û esil armancê înan Efrîn a.