Meclîsê Parlamenteran ê Konseya Ewropa (MPKE), rapora 'Tirkîye de rêveçûna saziyê demokratîk' badê qisey û vernîyazê derheqê pêşnûmeyê vûrnayîşî bi vêşîya vengan qebûl kerd. Bi no qerarî Tirkîye newe ra girotîya prosetê kontrolî (Monîtorîng).
Vengdayîşî de hemverê 45 venganê nêyinî, rapor bi 113 vengan amê qebûlkerden. Bi no şiklî Tirkîyeya ke serra 2004’î de prosesê kontrolî ra amêbî vetiş, newe ra girotîya mîyanê prosesê kontrolê sîyasî.
Pêşnûmeyê AKP amey redkerden
Parlamenterê AKP yê ke roniştişê meclîsî de amade bî, seba pûçkerdişê rapora MPKE, pêşnîyazê dûrê aqilî kerdî. Pêşnîyaza endamanê AKP, ke şaredarê ke amey girewten û hurendîya înan de qeyûm ameyê bicakerden zey sûcdar damûsnenê û waşt rapor de ca bigîro, amê redkerden. Reyna
AKPyijan waştî ke vatena; Tirkîye de dadgerî xoser nîya, rapor ra bîro veten. Na vernîyaz zî bi piranîya vengan amê redkerden. Endamanê AKP îdîa kerdî ke “Tirkîye de pêrokîn fikrê mûxalîf bi rengekî serbest yenê ziwan, bi taybetî rojnamevanî dûrê zext û zordarî bi rengekî serbest fikrê xo anê ziwan.” Na vernîyaza AKPyijan zî bi 135 reyan amê redkerden. Reyna AKPyijan waştî ke prosesê monîtorîng (kontrolî) seba Tirkîye nîro destpakerden, la na waşten bi piranîya vengan amê redkerden û Tirkîye newe ra girotîya mîyanê prosesê Monîtorîngî.
STRASBÛRG