Tirkiye û Libya şer dikin
Rojnamekar Ferhad Şamî qala girîngiya Lîbyayê dike; balê dikişîne ser hebûna Artêşa Tirk li Lîbyayê û di çarçoveya amadekariyên aliyan de pêşbîniya şerekî mezin di navbera Lîbya û Tirkiyê de dike.
Rojnamekar Farhad Şamî, rewşa li Libyayê şirove kir û diyar kir ku êdî şerê li herêmê bûye şerê navbera Libya û Tirkiyeyê. Farhad Şamî ji Ajansa Mezopotamya peyivî. Şamî di şiroveya xwe de bal kişand ser hebûna artêşa Tirk li Lîbyayê û got, “Herî dawî Hulûsî Akar çû Misrata û bi leşkerên xwe re civiya, bi rastî ew herem bûbûn cihên leşkerî û Tirk wan ji bo veguhestina çete û çekan bi kar tînin. Ji lewre, gelê Lîbya û artêşa wê dibêjin şerê Lîbya nema şerê du aliyên Lîbî ye, lê şerê Lîbya û Tirkiyê ye, li wê derê Tirkiyê pîlanan çêdike û şer bi rê ve dibe. Dema Hulûsî Akar çû Lîbya beriya bi rayedarên wî welatî re civîna çêke çû serdana odeya şer a leşkerên xwe, neqşe vekir û fermana şerê Sirt û Cefra da, piştre bang li raydarên Lîbya kir û bi wan re li baregeha leşkerên xwe civiya.”
Şerekî mezin hindik maye
Li ser pirsa, gelo paşeroj li Lîbyayê çawa xuya dike, Şamî got; “Li gorî berdevkê artêşa Lîbya El Mismarî şer li ber derî ye û dibe ku di nava du rojan de rû bide, şerê vê carê ji bo her du bajarên girîngin (Cefra-Sirt) in. A rast jî ew e ku dema borî bi amadekariyên şer derbas bû. Tirkiyê xwest sîstema parastina ezmanî li sê deverên cûda ên Lîbya bi cih bike, lê ji aliyê balafirên nenas li baregeha Witiyê hat ruxandin. Tirkiyê dixwaze hêza Hefter a ezmanî biruxîne û pêşde biçe, gumanê wê heye ku hinek welat belafir dane Hefter, İmarat beriya niha belafirên keşfê ji bo Hefter kirrî bû, sîstema Panser a parastina ezmanî jî ji Rûsya girtibû, lê ev hêzana li gorî pêwîstî û berjewndiyên xwe insiyatîfê didin Hefter, nahêlin şerê wî ji bin kontrola wan derkeve, sînor jê re diyar kirine. Li aliyê din nêzî 15 hezar çeteyên Sûriyê hene ku Tirkiyê ew ji İdlib û Efrînê birine Lîbya, di heman demê de çeteyên ji Sûdan jî hene, û çekdarên Lîbya yên alîgirên tevgera birayên misilman hene, û leşkerên Tirk henin, xwe nêzî bajarê Sirtê kirine dixwazin dest bi şer bikin. Rawestandin ne li gorî berjewendiyê Tirkiyê ye, bêyî Sirt û Cefra projeya Tirkiyê a li Lîbya nîvçe dimîne û kaxeza di destê wê de dibe li dijî wê.
Helwesta Misrê girîng e
Serokê Misrê bajarê Sirt û Cefra weke xeta sor ragihandibû, û li gorî wê jî artêşa xwe li ser sînor bi cih kir, heta niha ne diyare ku wê Misir têkeve nava şer an na, lê berteka wê a fermî û gelerî li himber destwerdana Tirkiyê mezine. Ew dizanin beşê şer ê mezin li dijî Misir e, heger Tirkiyê Sirt bigire têwateya ku derbasî sînorê heremên rojhilat dibe, ango nêzî sînorê Misrê dibe, û kîjan demê Tirk berêxwe bidin Misir ne diyar e, li welat birayên Misilman hene, ew alîgirên Erdogan in, li benda wî ne, ji xwe heger ev pîlan pêk hat, Tirkiyê çeteyên Sûriyê ên girêdayî xwe dişîne Yemen jî, li wê derê wê bixwazin xwe bigihînin sînorî Misir ji milê deryaya sor, wê çaxê ji du milan ji aliyê Tirkan tê dorpêç kirin.