Heto bîn ra TJK-E û KCDK-E zî îzehetêk nuştekî dayî çapemenîye û veng dayî şarî ke wa beşdarê çalakîyê ke ewro bêrî viraştiş bibî. Îzeheto ortax û nuştekî de wina ameyo vatiş: “AKP bi referandûmî wazeno zîhnîyetê xo mende bikero. Seba ci yê ke Tirkîya de xover danî û heqê xo gêrenî, yenî tepiştiş û erzîyenî zîndanan.”
Waştenê înan waştenê ma yî
Dewamê îzehetî de ameyo vatiş ke ‘60 rojî yo ke hepsîyî vera zext û tedayanê hukmatî de bi zerrî û wijdananê xo xover danî. Bitaybetî Zîndanê Şakranî de resayo dûştêko krîtîk. Waştenê hepsîyan waştenê ma yî zî. Cok ra ganî heme kurd û dostê ma yê demokratîke beşdarê çalakîyanê ma yê Almanya, Fransa, Swîsre, Hollanda, Belçîka, Avusturya, Îngilistan, Danîmarka, Swed, Norveç, Fînlandîya, Yewnanistan, Kibris, Kanada, Avustralya û Japonya bibî.”