Seyît Îbrahîm lajê Resik Ûsen û Tornê Sey Riza yo. Wexto ke pîyê ci Resik Ûsen ame îdamkerden Seyît Îbrahîm hona 6 aşme bi. Seweta ke pîyê ci Resik Ûsen bîro îdamkerden emrê ci 17 serrî ra vetî 21 serrî. Yê kalikê ci Seyît Rizayî zî 75 serrî ra ginay 57 serrî.
Komara Tirkîye rixmê waştena peynî yê Seyît Rizayî lajê ci Resik Ûsenî verîya ey û vernîya çimanê ey de îdam kerd. Wexto ke Resik Ûsen yeno îdamkerden di reynî kindir qerfyeno. Sey Riza bi dejê zerî bi vatişanê ‘Ewladê Kerbela me, bêxeta me, eywo, zilmo, cînayeto’ eve xo bi xo ling dano kursîyê bin linganê xo.
Sey Îbrahîm ke wexto ke pî û kalikê ci ame îdamkerden 6 aşmî bi, eve sanikanê xoverdayişê pî û kalikê xo bi gird. Sey Îbrahîmî nê sanikan neqlê nifşanê newî kerd.
Hunermend Ferhat Tûnçî tora xeberan Bîanet ser ra xebera wefatê Sey Îbrahîmî beyan kerd û sarê Dersim rê sereweşî waşt.
Bîanet