Nika Kurdistan de polîtîkayê serrê 90’î domyenî, 2006’ê ra heta nika bi hezaran domanê kurd hetê polîs û lejkerê AKPe ra amey qetilkerdiş.
Qetilê JÎTEMe zî demo AKPe de yew bi yew yenî beraetkerdiş. Demo nêz de qetilê JÎTEMe Albay Temîzoz beraet kerd û doza JÎTEMe de wekîla HDPe ya Stenbolî Pervîn Buldan zî ca girewt.
Netîceya dozê JÎTEMe
Buldan dozê JÎTEMe ser qise kerd û vat ke çi heyf ke netîceyê doza JÎTEMe de bir, sîyaset reyde yena dayîş, xora birê beraetî no mojneno û wina vat: “Serrê 90’î de qetilkerdişan ra rolê no demî mudirê emnîyetî Mehmet Agar verpirsîyar o û çi heyf ke hetanê nika Agar nêame dariznayîş. Çimkî Agar hetê dewlete ra yeno pawitiş. No ser zî ma qet bawer nêkenî ke doza JÎTEMe de netîce bêro girewtiş, heme zî do wina bi encam bibî.”
Çareser nêbeno
Buldan aşkera kerd ke Kurdistan de cînayetî polîtîkayê dewlete yê, no ser zî tena qetil nê, no demî kam verpirsîyar î, nê kesî zî do bêrî dariznayîş û qalîkerdişê xo wina peynî kerd: “Dewlet JÎTEMe saz kerd û sazîyê Wezaretê Karanê Zereye, walîtîyê OHALe, Mudirtîya Emnîyetî ya Peroyîye hetkarî dayî. Nika demo AKPe heme cînayetê kerdoxê nêdîyarî domyenî. Ma zanî ke Erdogan wazeno bi pergalê serekdewlete dîktator bibo, la ma qet destûr nêdanî. Tirkîya de aştî û demokrasî encax bi mekaqanuno demokratîk bêro.”
SÎBEL YUKLER / JINHA/ENQERE