Ya rastî tişta ku di wê civîna li Helsînkî de qewimî, Kurd jî di nav de hemû aliyên siyasî li Sûriyê, yekser elaqedar dike. Ji ber wê jî aliyê Kurd divê ji bo hemû îhtîmalan hesabê xwe karibe bike, çawa ku ev yek ji bo aliyên din jî lê ye. Piştî hevdîtina Serokê Dewletên Yekbûyî yên Emerîkayê (DYE) Donald Trump bi Pûtîn re rûnişt, hîna daxwuyaniyeke fermî ji aliyê DYE´yê nehatiye dayîn, lê rayedarên Rûs îdîa dikin ku di hevdîtinê de Pûtîn û Trump li ser Sûriyê li hev kiriye. Ji ber vê yekê di çapemeniya Emerîkî de tê bibîrxistin ku hevkarî û kordînasyona eskerî bi Rûsyayê li gorî qanûnan qedexe ye. Bi heman rengî îşaret bi wê yekê tê kirin ku rayedarên payebilind ên rêveberiya Trump bi xwe jî nizanin ka li Helsînkî bi Pûtîn re li ser çi peyiviye û li ser çi li hev kiriye. General Votel ku dibêje hîna di stratejiya wan a eskerî de tiştek neguheriye jî ne sedem e ku di serî de Kurd aktorên li Sûriyê hizr û karê xwe ji bo her îhtîmalê bikin. Nûçeya li ser vê yekê di çapemeniya Emerîka de deng veda, û got, “rayedarên Rûs dibêjin, hevbdîtina li Helsînkî bi lihevkirina hevkariya li Sûriyê bi encam bû.” Ji ber ku ti daxuyaniya fermî ya hevpar piştî civînê nehat dayîn, bêdengiya li Washingtonê jî dibe sedema gelek minaqeşeyan.   [caption id="attachment_120728" align="alignleft" width="288"] Joseph Votel[/caption] Di çapemeniya Emerîkî de nexasim jî îşaret bi wê yekê tê kirin ku her rengê hevkariya eskerî bi Rûsyayê re li gorî qanûnên Emerîkayê îlegal e. Ev qanûna beriya 4 çalan piştî îlheqkirina Qirim bi destê Rûsyayê derketibû, her awayî hevkarî û heta kordînasyona eskerî bi Rûsyayê re li artêşa Emerîkî û siyasetvanên wê qedexe dike. Generalê Emerîkî ê ku her wiha fermandarê Emerîkî yên operasyonên li dijî DAIŞ´ê ye jî, Joseph Votel jî elaqedarî meseleyê got, „Ev qanûn destûrê nade ku em bi hêzên Rûs re koordîne bikin, sînkrone bikin yan jî bi wan re hevkariyê bikin, bi wî rengî ku karibe rê bide ber çalakiyên me.” Feraxet hene ku em rêyekê bibînin Lê general dîsa dibêje, hin rê û feraxet hene ku destûra hin şêwazên koordînekirinê didin. Ango tevî ku Trump li Helsînkî got, eskeriyên me xweş li hev dikin, qanûnen nikarin li hev bikin û ti minasebetên wan ên dostane hebin. Bi her halî minaqeşe li ser wê yekê jî hene ku DYE berê awirên xwe daye bi temamî şikandina DAIŞ´ê û hêvî dikin hêzên Kurd û QSD weke hevgir karibin li ser maseyê cihê xwe bigirin. Ji bo halê hazir neguherîna vê rewşê jî Votel got, di stratejiya wan a li Sûriyê de heta niha ti guherînek çênebûye. Trump ya xwe kir haya rêveberiyê ji tiştekî nîne Lê Trump her kesî metelmayî dihêle; Sekretera Çapemeniyê ya Qesra Spî Sarah Huckabee Sanders hîna nû bi tweetê pêr nivîsî ku ji bo hevdîtineke dû di navbera Pûştîn û Trump de minaqeşeyan dest pê kiriye, Trump tweetek weşand û Pûtîn eşkere vexwend Qesra Spî. Lê ya rastî wisa diyar e ku rayedarên Emerîkî hewl didin fêm bikin ka Trump û Pûtîn li Helsînkî li ser çi li hev kiriye. Çawa ku Midûrê Îstçxbarata Neteweyî, Dan Coats ji NBC Newsê re got: “Ez nizanim di wê civînê de çi qewimî.” Ya rastî tişta ku di wê civîna li Helsînkî de qewimî Kurd jî di nav de hemû aliyên siyasî li Sûriyê, yekser elaqedar dike. JI ber wê jî aliyê Kurd divê ji bo hemû îhtîmalan hesabê xwe karibe bike, çawa ku ev yek ji bo aliyên din jî lê ye. WASHINGTON