Mudirîya Şaxa Sporî ya ke girêdayîya Şaredarîya Bajarê Girdî ya Amedî ya û Serekîya Dayîreyê Xizmetanê Sosyalan ser o xebatan kena, bi sloganê “Kuçe de Cuye, Kuçe de Azadî, Kuçe de Basketbol” Turnuvaya Basketbolî Amed 3x3 ya Kuçeyan virazena û turnuva Parka Ayşenur Zarakoluye (Parkorman) de dest pêkerd. 144 sporbazê ke 14-18 serrî yê beşdarê turnuva benê. Kategorîya cinîyan de 10 taxim, camêrdan de 26 taximî ca gênê. Her taxim seha de bi 3 kesan ca gêno û 1 sporbazo/a yedek zî esto/a. Turnuva de 3 hekemî wezîfe gênê û turnuva her roj mabênê saetanê 16.30-19.30 de virazîyena. Turnuva, 2yê Teşrîna Verêne dest pêkena û bi musabeqeya fînalî qedîyena. Turnuva de 3 taximê (hem cinî hem camêrd) ke bikewê derece do xelate bigêrê. Mudirîya Şaxa Sporî zî sporbazan rê bê pere formayî vila kerdî.
Beşdarî her serre zêde bena
Perwerdekaranê Mudirîya Şaxa Sporî ra Îsmaîl Guzelî derheqê turnuva de zanayîş da û wina va “Meqsetê ma no yo kem a wazenê wa ciwanê ma bêrê têkişt û spor bikerê. Ma par dest bi viraştişê turnuva kerdbî. Ma emser reya diyîne na turnuva virazenê. Goreyê serra verêne turnuva rê emser beşdarî hîna zêde ya. Ma par kesê pîlî zî qabûl kerdêne la ma emser tena ciwanî qebûl kerdî. Beşê camêrdan de 26 yê cinîyan de 10 taximî estê. Beşê camêrdan de her kome de çarêr taxim pêroyî de 6 kom estê. Musabeqeyê ma pêro-pîya 7 deqîqa yê û 2 dewre yê.”
AMED