Şîrketê Eutelsatî yo ke dewleta tirkî reyde pê kerdo û wazeno weşanê televîzyonanê kurdan yê News Channel TV, Stêrk TV û Ronahî TV bibirno. Vera nê hewldayîşê Eutelsatî de her ke şono reaksîyonê zêde benî. Babete ser o Hemsereka NCDK-Syî Hatîce Kendale qisey kerde. Hemsereka NCDK-Syî Kendale va ‘ma do vera na neheqî de heme cayan de bivejyî rasteyan’.
Ganî ma wayîr bivejê
Kendale vist vîrî ke ‘zextê ke ser televîzyonanê kurdan de benî, yenî manaya ortaxîya kerdişanê faşîzan yê dewleta tirkî’ û wina dewam kerde: “Televîzyonê kurdan heqîqetî esas gênî û no zî tayînan eciz keno. Televîzyonê ma vengê ma yî. Herinda ke Ewropa hetê şarê kurdî ke raştê kerdişanê faşîzanan yeno de ca bigîra, yê ke kurdan qetil keno reyde ortaxî kena û hewl dana vengê şarê kurdî bibirîyo. Ma do nêyî qebul nêkerî. Ma do wayîrê televîzyonanê xo bivejyî. ”
Hemserekê MKKD yê Lozanî Oguz Tokar û Derya Çelîke zî qisey kerdî. Tokar û Çelîke vatî ke ê dê seba wayîrvejîyayîşê televîzyonan bivejyî rasteyan. Hemserekan dîyar kerd ke vera polîtîkayanê înkarî de bêvengîya Ewropa yena manaya ortaxîya polîtîkayanê înkarkerdişî.
ANF/LOZAN