Qezaya Sûrî ya Amedî de rijnayîş dewam keno. Tayê taxan de hetê rijnayîşî de viraştişê awanîyan zî domîyeno. Babete sero Parlamenter Feleknas Ucaye seba ke no rijnayîş ser o cigêrayîşî bêrî kerdiş, pêşnîyaz daye Meclîsî.
Ucaye pêşnîyazê xo de bale anto raporo ke hetê Koordînasyonê Bajarê Amedî yê TMMOBî ke 2ê kanûne de aşkere kerdbî ser û dîyar kerdo ke taxê ke qedexe tede esto de heta nika 706 cayê karî zirar dîyî, nînan ra yê 693 heban eşkenî bêrî tamîrkerdiş, labelê yê 13 heban zî ganî bi hawayo hîra bêro cigêrayîşkerdiş.
Ucaye va ‘herçiqas ke îtîraz û hende dozî abîyî labelê reyna zî qedexe û rijnayîş dewam kenî’ û wina dewam kerde: “Heyeto Berz yê Pawitişê Mîrasê Kulturî zî vera muracatan de qerarê ‘beno ke tayê mendeyê tarîxî yê kulturî bêrî wedarnayîş’ da û o zî daxilê texrîbat û rijnayîşî bî.”
MA/AMED