Pawitox Newroz Ûysal hayr ant ser bêhiqûqîya ke 18 serrîyo Rayverê Şarê Kurd Abdullah Ocalanî rê ferz bena û dîyar kerd ke seba vernî girewtişê îşkence, CPT wezîfeyê xo nêano ca.
Ûysal ke ANF rê qisey kerd da zonayen ke dewleta Tirk na bêhiqûqî 18 serrîyo vera şarê Kurd şixulnena û CPT zî cidî nezdîye mesele nêbeno. Newroz Ûysal vist vîrî ke serra 1999 ra na het heqê pêdiyayişî, bi telefon qiseykerdi û pêdiyayişê bi pawitoxan yenê manî kerdiş û ard ziwan ke wextanê peynî de Ocalanî ra qe xeber nîna girewten. Ûysal ard vîrî ke Mahkemeya Heqê Merdiman ê Awrûpa serra 2004 de qerar da û sîstemê îzolasyonî zey îşkence qebûl kerd û va, ‘CPT ya ke sazîya ke ser Konseya Awrûpa ya na babedî nêdîyayiş ra yeno.
Nêşî Îmrali
Ûysal ard ziwan ke ganî hewldayenê derbe ra dima CPT şîbîyaybi Îmrali û qiseyanê xo wina dewam kerd: “Ma bi înan ra rî bi rî pêdiyayiş viraşt. Heyetê CPT aşma Îlone de ame Tirkîye. No zîyaretî de tepişteyê ke ser nameyê rêxistina Gulenî de amey tepiştiş zîyaret kerd. Rexmo ke noqteya tewr krîtîk Girotxaneyê Îmrali bi, la heyet nêşi Îmrali.”
Vernîgirewtişê herbî bi wedarnayişê tecrîdî beno
Pawitox Newroz Ûysal ard ziwan ke heyetê CPT aşkere kerdo ke hayderîye ke sermîyananê dewlet dayê bes ê înan ê. Ûysal va ganî CPT cewab bido nê persanê ma û wina va: “ Wezîfeyê CPT no nîyo ke biperso Ocalan ciwîyeno, nê ciwîyeno. Wezîfeya CPT no yo ke vernîyê îşkence bigîro. Ma her aşmî raporanê xo CPT rê rişenê. La xeynê ‘ma durumî taqîp kenê’ teba nêvanê.”
Ûysal vist vîrî ke pêvacoyê çarekerdişê 2 serran nîşan da ke, Ocalan wayîrê roleke aktîf o û aşkere kerd ke şer (lej) bi birnayişê pêdiyayişanê bi Ocalanî bi giranêr. Ûysal da zonayen ke zerreyê serrekê de lejê Kurdistan resya merhaleyekê çinkerdişî û faşîzm gam bi gam beno serdest. Peynîya qiseyanê xo de Ûysal ard ziwan ke raya xelesnayişê şerî yê Tirkîye û Kurdistan wedarnayişê tecrîdê ser Ocalanî ra ravêrena.
ELÎF DOGAN / ANF / AMED