DAÎŞ li ber çavê cîhanê komkujiyan pêk tîne û aloziya heremê destnîşan dike ku li Rojhilata Navîn denge li ber guhertinê ne. Li ser sînorê Iraq û Suriyeyê li hemberî DAÎŞ'ê hevkariya YPG´ê û peşmergeyan nîşaneya dengeyên nû ye. Hîndekarê beşa siyasetê li Zanîngeha Bogazîçiya Stembolê Abbas Valî, beşdarî kir li nûçeyên îngîlîzî yên MedNûçe TV´yê û got, kurd xwedî avantaj in û divê parastina hevpar pêk bînin. Valî wiha axivî: "Îran û DYA´yê heta niha di polîtîkayên xwe de israr dikirin, neçar in ji nû ve li wan bifirikin û li gorî wê tevbigerin. Ne bi tenê ew, welatên herêmê jî neçar in nêrînên xwe yên berê biguherînin." Valî destnîşan kir ku îhtîmala Tirkiye li hember DAÎŞ'ê operasyon li dar bixe kêm e û wihapeyivî: "di rewşa îro de Tirkiye ji bo êrîşî DAÎŞ'ê bike, neçar e du caran bifikire. Ez bawer nakim, tercîheke wiha bikin."

Valî got, Malîkî û rêveberiya Iraqê nekaribûn krîzê kontrol bikin ji bêr vê yekê pêwistiya wan bi alîkariyê heye. Valî diyar kir ku ji ber biserneketina polîtîkayên Îranê ev krîz derketiye holê û got: "Îran heta niha di polîtîkayên dijberiya Amerîkayê de bi ser ket. Lê piştî ku DYA ji Iraqê vekişiya, polîtîkayên hevpar ên navbera Îran û Malîkî, di navbera gelek koman de dijminahî afirandiye. Ji ber vê yekê Îran polîtîkayên xwe diguherîne."
Valî îşaret bi aloziyê kir û got, kurd neçar in parastina hevpar pêk bînin û wiha pêde çû: "em dizanin ku bi tenê cîhadî, DAIŞ filan li vir nîn in. Ew bi hev re hevkariyê dikin. Hêzên rejîma BAAS'ê yên berê di artêşê de hevkariyê dikin, li hemberî rêveberiya şîî ne. Niha Iraq, Erebîstana Siûdî, hinek welatên Kendavê û Îran şerê hev dikin. Li ser vê dikê, dengeya ku derkeve holê, wê gelek tiştan peyde bike û îhtîmal heye ku hêz û serkeftinên Iraq, Îran û Suriyeyê bên sînordarkirin." 

STENBOL