SEMRA TURAN / MA / DÊRSIM
Kurdistan hetê tebîetî de zaf dewlemend o û tewir bi tewir gandarî tede cuyenî. Na cografya de çar mewsîmî yenî dîyayene û tarîx ra nata xeylê şaristanîyan rê meymandarîye kerda. Bitaybetî hetê nebatan de zaf dewlemend o û tibo tebîî de wextê xo de zaf averşîyaye bîyo.
Nê nêbatan ra yew zî vaşo boyine yo. Vaşo boyine (Vila boyine, Gowrvaş, Ereqê Pêxemberî) ke xeylê problemanê weşîye rê derman o, bitaybetî şîyayîşê gonîye yê cinîyan (regl) ser o tesîr keno. Kîmyanase Semra Yeşîla ke nebatan ser o cigêrayîşan kena, va ‘ganî cinîyî bitaybetî nebatanê tebîîyan ra feyde bigîrî’.
Kîmyanase Yeşîle dîyar kerde ke vaşo boyine hetê weşîya cinîyan de zaf feydeyin o û wina va: “Tewr zaf dejanê şîyayîşê gonîye yê cinîyan rê baş o. No vaş şîyayîşê gonîye vindarneno û no het de baş o. Reyna welidîyayîşî ra dima dejanê cinîyan rê zî baş o. Ganî her cinîye vaşo boyine bikar bîyaro.”