Vera heme vengdayişanê semedê giroteyanê nêweş, xo kerdo lal, kerr û kor. 300 roşnîkar, akademîsyen, nûştox û şaîrî seweta giroteyê nêweşî viradiyê dest bi kampanya kerd. Kampanya îmzeyan ê qandê giroteyanê nêweş, bi vatena "Giroteyê nêweş çiyê bazarîn niyo, mebê hetbarê enê eybî" start girot.
Buşra Ersanli, Adîl Okay, Beyza Ustun, Celal Temel, Baskin Oran û Roşan Lezgîn zî miyan de, 300 roşnîkar, akademîsyen, nûştox û şaîran qandê eleqey biancê rewşa giroteyanê nêweşi ser kewtî miyanê hereketî.
Roşnîkar, akademîsyen, nûştox û şaîran meseleya giroteyanê nêweş, zey dirbeta xorî hesibinê û wina veng da raya pêroyin ê Kurdistanî û Tirkiye: “Bêrê vengê xo bidê vengê ma. Bêrê heme cayan, meseleya giroteyanê nêweş biyarê ziwan."
Rayveranê Kampanya ra Adîl Okay derheqê kampanya de qisey kerd û vist vîrî ki girotxaneyanê Kurdistan û Tirkiye de, nezdiyê hezar giroteyê nêweşî estê û wina vat: “Înan ra rewşê seyan zaf girano. 13 serranê peyinan de, 2 hezar û 300 giroteyê nêweşî nêviradiyay û girotxaneyan de weşînê xo kerd vinî. Eno zî rewşê lez ê mesele rafîneno çiman ver.”
Okay dazanayin ki iyê heme cayan û bi her wesîleya eleqey biancê rewşê giroteyanê nêweş û wastenê viradayinê giroteyanê nêweş biyarê ziwan. Okay raya pêrin ê Kurdistan û Tirkiye ra wast ki desteg bidê kampanya qandê viradayinê giroteyanê nêweş.
NAVENDA XEBERAN