Rojnameyê Ozgur Gundemî ame padayene, Rojnameyê Azadîya Welatî çend rojî naye ra ver bî hedefê polîsan û 25 xebatkarê xo ameyî tepiştene, nafa zî weşanê Ozgur Gun TV ame birnayene.
Merkezê Ozgur Gun TV Amed de bî û TV TURKSTî ser o weşanê xo kerdene. Weşanê Ozgur Gun TV hetê platformê xizmete temîn kerdene ra ame birnayene û ekranê TVyî şewa verî saete 12 de ame padayene.
Gişta RTUKî esta
Endamê Heyetê îdareyê Gun TVyî Bariş Bariştiranî, no derheq de qisey kerd û da zonayen ke qet yew beyanat nêdîyayo ma û weşanê TVyê hetê platformî ra ameyo birnayene. Bariştiranî reaksîyonêko bi hêrs da û va no qerar azadîya çapemenîye rê derbe yo û va ma baş zanîme ke gişta RTUKî nê qerarî de esta.
Bariş Bariştiranî hayr ant êrişanê vera TVyî ser û wina qisey kerd: “Xora nê demê peyênî de TV yê ma rê, bi keyfî xeylê cezayî ameyî birnayene. Ma seba ke xeberanê hrastan biresnîme şarê xo, xo ver o da. La platformê xizmete temîn kerdenê, vera zorê RTUKî deyax nêkerd û weşanê ma birna.”
Bariştiranî aşkere kerd ke ê hona eslê mesela rind nêzanê ke çira weşanê TV ameyo birnayene û va “têkilîya ma û platformê xizmete temîn kerdene ramena û ma do hetê huquqî ra heqa xo ra bigeyrê.”
DÎHA/AMED