Newe ra bî gewe hardê bimbarek. Dewlete her ke kewte tenge, desinde plane xelesnayene hazirî. Kurdan sero tertele ra hata zorvajiye cik ke dest ra ame ayê kene. Desinde qûwetê ci yê qilerîn ki kûne dewre. Vijer JITEM bî ewro namê nî qûwetan DAIŞ a. Hata ewro kurdî cik ciwiyayî ewro zî ayê ciwiyene. Avê kî koyan ra adir bîne berz, ewro ki her ca ra kila darûber resena asmen. Vîjer kî domanî ameyî kistene ewro kî.
Hama ewro jû xoverdayiso ke serran ra avê destcikerd bî û nayê ra 31 serrî ra avê ke gama sifteyîn yê xoser ameyene erjiyayî bî, verva zilm qûweta pîlî yê kurdan a. Jê iyê hukumdaran na qûwete dîktatoriya jû mordem ke riznena. Ewro na dîktatoriye hetê ra bi arteşa xo dewê kurdan vêsnena, hetê ra bi destê qetilkaran însonê kurdî qirkena. Dewleta xorî yê virene cîna, ewro dewlete cer ra bi cor pêro piya destê AKP dera. Hora hukmatane virenen û AKP de ferq kî cîno. Teyna ferqi ke esto o ki kistenena kurdan de planane ciya ciya kar ardena.
Hete ra kisene, hete ra meyitê ci rê kî rehet nêdane. Hora sarre birnayene rê ke dur niye. Waxte tertelê Dêrsim de sarê Alîşêr, Zarîfe û yê Sahan Axa bi fermane dewlete ame birnayene. Koke nînan de esto. Citur ki Alîşêr û Zarîfe Qocgîrî ra hata Dêrsim xoverdayî, ewro her ca de kurdî verva adirê zaliman erzene xover. Nika cengê ciwiyayis û kistene esto. No ceng cengî mordemiyo. Ca wo ke verê ciman de honde qetlîame yenê ciwiyayene, uca endî her kesî rê teyna verva dîktatoriye raya têhet amayene, piya xoverdayene, piya tekosîne dayene manena.
Meral KUÇUK