No hewte maçê Grûba Sûre ya Lîgo 2. ya Federasyonê Futbolî yê Tirkîya dest pêkerd. Maça sifteyîne de Amedspor û Mersîn Îdman Yurdu ameyî dûştê yewbînan.
Amedspor maça xo ya sifteyîne de bî meymanê taximê Mersîn Îdman Yurdu. Herçiqas ke kewtişê maçî hetê Heyetê Ewleyîya Sporî yê Bajarê Mêrsînî ra amebî qedexekerdiş, reyna zî hetgirê Amedsporî dekewtî stadyumî. Labelê hîna maçe dest pênêkerdbîy, polîsan hetgiranê Amedsporî vetî teber.
Destpêkê maçe de hetgiranê Amedsporî slogananê ‘Heqê ma yê deplasmanî nîno astengkerdiş’ eştî, labelê hetgiranê Mersîn Îdman Yurdu zî ‘Wa PKK bivejîyo teber’ û sewbîna sloganê ke vatişanê nîjadperestî mîyanê xo de hewênenî, eştî. Heto bîn ra hetgiranê Mersîn Îdman Yurdu ra yewî deqaya 26. de kewt saha û hêrişê futbolbazê Amedsporî Denîz Nakîyî kerd û ci derb kerd.
MÊRSÎN/ANF