Bi talîmatê Serdozgerîya Elbîstanî ya Gurgumî 3 kanûne 2019î de Elîf Kisa û Alî Kisa ameyî binçimkerdiş û peynî zî tewqîf bîyê. 6 kanûne 2019 Alî Kisa serbest veradîya la Elîf Kisa hema zî girewteya.
Alî Kisa peynîya serbestmendişê bi domanê xo aşkerayêk da û vat ke polîsan ci ra seba şîyîşê HDPî gef wendî. Elîf Kisa 64 serra ya û nêweş a, çiqas tewqîfbîyayişê ci ra ser medyaya komelî bertek ameyî nîşandayiş zî la hema zî girewtaya û taybetî tewqîfbîyayişê Elîf Kisa domanê ci astengdarî maxdûr keno.
Elîf Kisa seba domanê ci kurdî bizanê destê a ra çi yena se kerda. Sifre akerdişê kanalê Kurdî şopnaya. Malbatê Elîfe peynîya viraştişê bendawe ser o nêçare koçî keno. Elbîstan de Elîf xebatê partîye ra beşdar bena û no demî ciwanan a ra vanê ‘Dayika Elîfe’ û Dayika Elîfe zî ciwanan ra vana ke ciwanan seba ke wanenê no ser vera nêheqîyê vindenê.
Kenaya Elîf Kisaye Hatîce Ozdemîr rewşa dayika xo ser o vat ke demo ke dayika a ameya girewtiş, a şaş menda la tena dayika a, birayê înan ê astengdar Îsmaîl xemgîn kena û wina peynî kerd: “Demê dariznayişî ma wazenî ke huqîqê dişmeneyîye nîro şuxilnayiş û heqê merdimayîye ra rêz bêro nîşandayiş.”
JINNEWS/GURGUM