SOLÎN REŞÎD/HENAN MIHEMED - ANHA/HALEB
Surîye de şero mîyanxo 9 serrî ke dewam keno, şer ser o zî krîzê ekonomîye û mudaxaleyê hêzê teberi aver şîyê. Rayberê Partîya Demokratîke ya Surîye Merwan Esaf Ehmed vat ke hêzê kapîtalîstî nika Surîye de tena menafaetê xo pawiyenê, ganî şarê Surîye tena dîyalogê mîyanxo rê bawer bikê.
Rayberê Partîya Demokratîke ya Surîye Ehmed aşkera kerd ke taybetî demê peynî çeteyê Dewleta Tirk Halebî ra hêriş kenê, zaf hûmarî de dewletê nê çeteyan ra hetkarî danê û çi heyfo ke hêrişê nê çeteyan de taybetî cenî, doman û sivîl cuya xo danê.
Vera çeteyan têkoşîn
Ehmed pare kerd ke şarê Surîye nika bi çekanê Tirkîya, Emerîqa û Rusya yenî qetilkerdiş û wina dewam kerd: “Ma do vera heme hêrişê çeteyan de xo rêxistin bikê. Hetanê mîyanê şaran de yewbîyayiş û persgirikê mîyanxo bibê do Surîyeyêka newe nîro ronayiş. No ser ganî şarê Surîye yew bibê û vera çeteyan têkoşîn bidê.”