Zimanê maye heq o

La vernîyazperso ke Onlu da, rîwalê tometî (qedexe) peyser ageyra. Midûriyeta Arşîvî, rîwalê qerarê nuşte û ewraqê ke ebi Tirkî nê, bi ziwanekê û lehçeyekê bîn yenê nusnayen qebûl nîbenê’ peyser teslîmê Onlu kerd.   

Verniyazpersî de parlamenter Onlu hayr ant tarîfkerdenê ziwane maye ser û wina va; “kesê ke bi dinyaameyena xo ziwanê maya xo heq keno, bêperwerdeyî; hetê zereyê çeyeyê xo ra, dormeyê xo ra û sarê xo ra ziwanê xo museno”. 


Tirkîya de 15 ziwanî binê xeterî de yê

Alîcan Onlu heqê perwerdeyê bi ziwanê maye vist vîrî û hayr ant atlasê UNESCO ser; “keso ke kamîyeta xo û hewlîya kulturê xo zereyê mezgê xo de bido cakerdene; hinî ziwan seweta ey zaf cayêde muhîm cêno. Naye ra, perwerdeyê bi ziwanê maye heqêde cîhanî û tabiî yo.Tirkîya de perwerdeyê bi ziwanê maye, hetê qanûnan ra nêameyo gengezkerdene. Ziwanê ke binê xeterî de yê hetê UNESCOyî ra sey Atlas îlan bîyê. Nê ziwanan ra 15 ziwanî sîndoranê Tirkîya der ê”. 

Parlamenterê HDP yê Dersim Alîcan Onlu seweta ke Davûtoglû cewab bido, nê persan kerd: 


Kirmanckî hetê 4-6 mîlyon kesan yeno qiseykerdene

* Xeylê dugelê Dinya de seba seveknayene û ciwînayene ziwanî bernameyî hazir bîyê, bernameyê ke Tirkîya de yenê bikarardene çî yê? 

* Seweta ziwananê ke binê xeterê vinîbîyayene der ê û sîndoranê Dewleta Tirkîya de qise benê ser o falîyetê sima yê vergirewtena vîndîbîyayene estê? 

* Goreyê raporê UNESCO yeno vatene ke; ziwanê Kirmanckî yo ke hetê 4-6 mîlyon merdiman ra yeno qiseykerdene, binê xeterê vinîbîyayene de yo. Goreyê nîsbetê nifûsê Tirkîya, Tirkî û lehçeyê Kurdî ya Kurmancî ra dima Kirmanckî, ziwano ke tewr zaf yeno qiseykerdene yo. Seweta seveknayena Kirmanckî falîyetê sima estê? Eke estê çî yê? 

* Seweta perwerdeyê ziwanê maye ke Tirkîya de yenê qiseykerdene ser o hetê qanûnî falîyetê sima estê? 

* Perwerdeyê bi ziwanê maye ser o hetê pergalê perwerdeyî ra xebata sima ya bingeyîne esta?

* Domanê ke ziwanê maya xo Tirkî nîyo, hetê cuya komelî û perwerdeyî ra çetinî (zehmetî) vînenê. Seweta nê çetinîyan falîyetê sima estê? Eke estê, netîceyê xo çi yo? 

* Perwerde bi ziwanê maye nîro dayene, neheqîyî vejînê. Seweta ke verê nê neheqîyan bîgîrê, sima eskenê se bikerê?


 NAVENDÊ XEBERAN