Fedarasyonê Elewî Bektaşîyî, Fedarasyonê Komelê Elewîye, Fedarasyonê Weqfê Elewîye, Weqfa Haci Bektaş Velîyî, Komela Kultirî ya Pîr Sultan Abdalî û rêxistinê elewî aşkera dayê ke seba lez vilabîyayişê Vîrûsê Koronayî ser o tedbîrê newe girewtê.
Aşkera de wina ame vatiş: “Her kes zî zaneno vera Vîrûsê Koronayî, Dinya û welatê ma de têkoşînêk yeno dayiş, ma sey elewîyan cuya pawiyenê û goreyê bawerîya xo zî ma merdim berz vînenê. Cemxaneyê ma teberê karê cenazeye, demêk girewte bibê. Embaz û canê ma ke cemxaneyan de xizmet danê seba weşîya înan, ganî kelmelê hîjyenî (Tulum, maske, lepik û alkol) bêrê tedarîkkerdiş û demê şutişê cenazeyan zî do kesê ke 65 serrê vîyartê, wezîfe nêgê. Elewîyan ta demê sifte yê vejyayişê vîrûsî ra nika hessas têbigêrîyayê, ganî ma heme rasteyê cuye de nê hessasîyetê xo nîşan bidê.” STENBOL