Qanûnê caardişê înfazî yo ke sey tedbîrê vera vîrusê Koronayî ame amadekerdiş Komîsyona Edaletî ya Meclîsî de ame qebulkerdiş. Zaf welatanê Dinya de tepişteyî yenê veradayiş la Tirkîya de hepsê sîyasîyî teberê prosesî de ameyî veradayiş. Zaf beşanê komelî vera qanûnê caardişê ceza nêrazîbîyayîşê xo mojna.  Hepsê sîyasî zî bêrê veradayiş medyaya komelkîye ser o vilakerdişê bi vîdeoyî do bêrê kerdene. Sîyasetmedarê Kurd îfade kenê ke ganî qanûnê caardişê ceza têdûşt bibo û seba pêro tetepişteyan bêro caardene. Pêro hepsîyan rê bêrê akerdene Hemsereka Kongreya Komelê Demokratîkî Leyla Guven venga Wezaretê Edaletî da û vat: ''Vîrusê Korona cîyatîye nêkeno. Coka ganî pêro tepişteyî bêcîyatîye bêrê veradayene. Ma berê zîndanan abikerê.'' ‘Wa têduştî bêro kerdene’ Hemsereka Partîya Minqayê Demokratîke (DBP) Salîha Aydenîze zî vat: ''Eke zîndan kesêk/e pê na nêweşîye bikewe/o her kes do bibo nêweş.  Coka ganî pêro zîndanî bêrê vengkerdene.'' AMED