Azayê Komîteyê Rayverîn ê KCK Sabrî Ok, o ke ajansê ANF rê qisey kerd, vist vîrî ke, Erdogan û AKP vera şarê Kurd siyasetê dişmenîn ramenê. Ok’î vat: „Vera na dişmenîn xover nêdayîş sucê mordemiyo. Ewro mesele, meseleya azadiyê şarê Kurda. Lazimo ke her cayê Kurdistan bibo zêy Sûr, Cizîr û Silopî.
Herbê bê exlaqîn
Ok’î eleqe ant komkiştenanê dewleta Tirk ser û vist vîrî ke, vera Kurdan lej û siyasetê wehşetîn yeno ramiten û niya dewam kerd: “Qicêk, cenî û gencî înfaz benê. Şar ca û warê xo ra yeno koçber kerdin. Kurdistan de, lejê bê ehleqîn yeno ramiten. Kurdistan newe ra ameyo îşgalkerdin. Eno lejê qirkerdinê verê çimanê dinya de beno. „
Azayê Komîteyê Rayverîn ê KCK Sabrî Ok’î hayr ant bêvengiya dewletanê dinya ser û wina vat: „Dewletî vera qirkerdinê Kurdan bê vengê. Serva menfeatanê xo yê siyasî û aborî, heqanî mordeman û azadiyê mordeman gênê binê lingan.“ Ok’î, ser heqdariya xoverdayişê şarê Kurd de zî qisey kerd û ard ziwan ke vera siyasetê qirkerdin, şarê Kurd erdanê xo û azadiyê xo paweno. Ok’î va, lazimo pêrokîn Kurdî werzo ser pay, û vist vîrî ke, xoverdayîşê şar çiqe berz bibo, azadî zî nezdî bena.“
AKP do binkewo
Azayê Komîteyê Rayverîn eleqe ant qrîzê dewleta Tirk ser û wina qisey kerd: “Qrîz bi çarekerdişê meseleya Kurd hal beno. La, bi no zihnîyetê dewlet çarekerdiş nêbeno. Nayî ra omidkerdişê çarekerdin şaş o, çi ke zihnîyetê Erdogan’î faşisto.” Sabrî Ok’î hayr ant aqûbetê dîktatoranê dinya ser û vat: “Jewê înan zî binkoewtişî ra nê xelesiyay. Vera xoverdayişê şarê Kurd, AKP zî binkewtişî ra nê xelesyena.“
Sîstemê Îmrali
Sabrî Ok’î da zonayene ke, tecrîdê giran ê vera Rayverê Şarê Kurd Abdullah Ocalan’î, zey jew sîstem rameno û wina qisey kerd: „Dewlet wazena şexs dê Rayver Apo de, Hereketê Serbestî yê Kurdan biqedîno. Hetanî sîstemê Îmrali perçe nêbo, Kurdistan azad hu Tirkiye zî demokratîk nêbena.”
Qesasê hezar seran bigîrê
Derheqê xoverdayişê akademîsyenan de zî Ok’î veng da perokîn nuştox, hunermend û roşnbîran û wast ke, doş bidê bidê xoverdayîşê şarê Kurd.
Azayê Komîteyê Rayverîn yê KCK Sabrî Ok’î veng da şaranê Tirkiye, alewî, cenê û gencan ke vera faşîzmî werzê pay. Ok’î veng da eskeranê Tirk zî û waşt ke nêşirê herb, îstifa û fîrar bikerê, şaran het de ca bigîrê.
Sabrî Ok’î peynî de, bi nê vatenan, veng da pêrokîn şarê Kurd û gencan: “Wa gencê ma, tewrê xoverdayîşê azadî bibê û qesasê hezarî serran bigîrê. Vera zilm û komkiştenan bê veng nêmanê.
ANF/BEHDÎNAN