2004’ê ra hetanê nika Şaredarê Dêrsimî ra gireda Navenda Kultura Ciwanî (GKM) seba kultur û hunerîya kirmanckî ser xebityeno. No sazî de nika 400 heb wendekar perwerdeyê vînenî, hewna sazî de beşa saz, erbane, batery, keman û zaravaya kirmanckî de dersan yena dayiş. No ser zî çarçiweya xebityeyişê xo de do bi zarava kirmanckî de şano bivirazê..
Hemverê qirkerdişî
Bi taybetê peynîya 2009’ê ra pey GKMî de faîleyetê kulturê ra xebat yenî dayiş û armanc verba heme polîtîkayê terteleyê kulturê de têkoşîn danê û projeyan virazenî. En gird projeyê GKM zî koroya gedeyan Omedya Mestu yo. Omedya Mestu zî seba averberdişa ziwanê xo kirmanckî ser ameya sazkerdiş û koro de 48 wendekar ca gînê. Wendekaran hewteyê di roj ders yena dayiş û ziwanê perwerdeyê zî kirmanckî yo.
Elaqa zaf bî
GKMe 2013’ê ra pey xebatan xo ra lezî daya û aşma çeleya 2014’ê bi zaravaya kirmanckî de şano viraştî û no ser zî wendekaran zaf provayê şanoyê viraştî. Nê 2 serro ke elaqayê merdiman kursan ra zaf bîyo û welatijê Dêrsime hedî hedî ziwanê xo ra wayir vejyenê. Kursê xo sînema, şano û ziwanê ra dewam kenê, hewna dêrsimijan hewteyê 2 roj salona sînameyî beşdarwanî ra filman yena pêşkêş kerdiş û her serr zî 3 şanoya bi ziwanê kirmanckî de beşdarwanan ra pêşkêş yena kerdiş.
Kultura xo bidomnê
GKMe hemverê hêrişan ke ziwanê kirmanckî û Dêrsimî bena têkoşîn xo dana û her tim ziwanê kirmanckî ser xebat kenî. Dîrokê ra hetanê nika her tim ser şaristanê Dêrsim û ziwanê kirmanckî de polîtîkayê leyminî şixulnaya û hemverê nêy hêrişan zî şarê Dêrsim ziwanê xo wayir vejyenî û hemverê hêrişan de zî têkoşîn danê.
GKMe di Dêrsime de 10 serra ke seba kultura xo û ziwanê xo faîlîyet dana. GKMijan wazenê her kurd ziwanê xo ra wayir bivej o û no ser zî têkoşîna xo bido.
DÊRSIM