Faşîzma AKP bi rayverîya  Erdoganî de dişmeneteya heme şaran keno. Qetilkar Erdogan eyro welatê Kurdistanî de keyanê şarî veşneno û talan keno û dest senano. Eno tewr barbarey û wehşetey qet yewna cayîde nêbîya û nêvajîyaya. Eno tewr qirkerdiş, kiştiş, binçimkerdiş û talan wextê darbeya faşîzma 12’ê Êlulî hende zî perwasiz nêybî. Sûr de, Cîzir de, Nisêbîn de, Şirnax û Colemêrg de, Şemzînan de seba ke şarê kurd verba faşîzma AKP ra xoverodayîşê xono esasî kerd û qetilkar Erdoganî zî seba nê xoverodayîşê îdareyê esasîya kurd ra eno tewr wehşetey rewa dîy. Seba xoverodayîşê îdareyê esasî ser o yew korfamey esta.
No warî de qorê merdimî estî bi hesaban ra welatperwerî û bi xosûsî şarê mîyanî de nê xoverodayîşê îdareyê esasî ser o niqaşê gemarina kenê. Eno tewr niqaşkerdiş xizmetê AKP kenê. Yanî vanê ke eke kenayişê pawitişê xendekan nêbînê se faşîzma AKP hende perwasiz nêbînê.

Eno tewr rewşa apolîtîke ya
Yanî însaf ez nê korfaman ra persena wexto ke Pirsûs de, Amed de, Mersîn de, Edene de û tewr peynî Enqere de nê qirkerdişî pîlî virazîyay aşênayîşê pawitişê xendekan bi. Eno tewr rewşa apolîtîke ya û rewşa dişmenayî ya. Wila rindo ti hem keyê xo de bi asan roşe  û verba şarê xora heme qirkerdişan temaşe bikerê û badî zî warde nê niqaşanê xonê boyina bike. Eke şima xo hende zaf aqilî hîs kenê verê rewşa merdimeya xo bikerê, na zî şima nêkewto pawitişê kenayişê xendekan çi kar û zerar bîyo hewayê şima korfama nêkewto.
Eyro verba faşîzma AKP ra heme kes nêrehet o. La gelo nê bêvengî heyana key dewam kena? No warî de bi verên ra kurdî bêvengî. Vera heme kesî ra Nisêbîn, Şirnex û Colemêrg veşana, talan bena û qir bena şima zî wardê keyê xo de bi asanî ra roşê sakî no warî de çekî nêbî yo. Bi rewşa verên ra ganî no warî de şarê Amedî sereyê xo binê qumî ra bivejo û xo bitêşano. No warî de bi xusûsî Amed hema zî hewnê mergî do.No hewnê mergî zî dişmeno tewr pîl o. No warî de  eke qalî amey qalîkerdişî zî heme kes xo teorîsîyen hesibneno û manqale de wele nêverdono.

Eno bêvengî mergo
û qebûlkerdişê teslimîyetî yo
Ez ewta de nê teorîsyanan ra persena kanî sozdayîşê şehîdan, kanî wayîrvejîyayîşê Rayber Apo yî. Qale amey qale se, her kes beno Apocî la nê sextekarî heyana key? Serek Apoyî werê şima pewto kerdo û sênî ser la şima hînê nêzanê biwerê. Eno bêvengî mergo û qebûlkerdişê teslimîyetî yo. No rewşa bêvengî û teslîmîyetî ra şehîdê ma gorê xo de qîrenê nalenê nê hewa rewşe ra. Çimkî no warî de sewbîna weçînetî çîn yo. Na ganî ti teslîm bibê nazî ganî ti xo heme hewara xoverodê û xoverodayîşê camêrdî bikerê. Sewbîna tewr zî şans çinîyo û çimkî dişmenî to ra sewbîna weçînete nêverda yo.
Faşîzma AKP verba heme mualîfan ra har bîya û hijma heme kesî kena. Enka zî heme komelî binê yew tehlûkeyê girdî da. Eno tewr şîyayîşî ra Tirkîya 20 serre hende zî apay şîyena û heme miletan xora dişmen kena.
Verba faşîzma AKP ra ganî rewa rew Cepheyo Pêrabeste xo zaf û awan bikero. Ganî heme kes êyê ke vanê ma şirişî, demokratî ronşvîrî, nuştoxî, hunermendî û însanê hîsigerî  ganî verê verkan nê sazî verba faşîzmî ra xoverodayîşê xo berz bikerê. Bi gorê Tayyîpî ra no qirkerdiş û kiştiş heyana qîyametî dewam keno.Yanî gorê nê vatişî ra her roj cenazeyî yenê û adir kewno heme keyan. Tayyîp seba pergalê serekî ra heme kesî keno qûrbanê xo û keyeyê xo.

Madem kî nê şero gemarin heyana qîyametî dewam keno se, wa verên ra serekwezîr, serokkomar û heme parlementerî wa verê verkan gedeyanê xo bierşawê şer. Her roj gedeyê feqîr û fiqaran kişîyenê û nê parlementerî zî nê gûnî gedeyan ser o sîyaseta gemarine kenê. Heyana şarê tirk verba nê şerê gemarinî nêvindo se û ver nêgêro se, no warî de qet xemê Tayyîpî nîyo. Ewta de bi tena yew weçînetî mendo û o zî verba faşîzm ra xoverodayîşê pêrabestî yo. Eke no tewr yew yewbîyîş nêvirazî yo se, heme kes yew zeraro pîl veyneno. Zatî her rojê Homay nîyo ke cenazeyî pêpeyra têdim yenê. No xoverodayîşo yewbîyîşê pêrabestî bi tena gurwê şorişî û demokratan nîyo. No warî de ganî heme kes mîyanê cephî de ca bigîro. Nazî sewbîna tewr felaketê û qiyametê girdî virazîyenê. Heyana erey nîyo ganî no warî de verba faşîzm ra gama verêne bierzî yo.

ZAZA CEBELÎ